महको बजारीकरणका लागि ‘मह महोत्सव’ हुने

दाङको घोराहीमा पहिलो पटक ‘मह महोत्सव-२०८२’ हुने भएको छ। नेपाल मौरी पालक महासंघ दाङको आयोजना तथा राष्ट्रिय कृषि आधुनिकीकरण कार्यक्रम कार्यान्वयन एकाइ, दाङको प्राविधिक सहयोगमा यहि जेठ १३, १४ र १५ गते तीन दिन महोत्सव हुन लागेको हो। महोत्सवमार्फत् स्थानीयस्तरमा उत्पादन हुने महको प्रचारप्रसार, उपभोक्तालाई महको महत्वका बारेमा जानकारी तथा मौरीपालन व्यवसायका क्षेत्रमा देखिएका समस्या र सम्भावनालगायतका विषयमा छलफल गर्ने उद्देश्यले महोत्सवको आयोजना गरिएको छ।