सगरमाथा र लोत्से आरोहण गर्ने सशस्त्र प्रहरीका दुई महिला जवानलाई बढुवा गरिने

विश्वको सर्वोच्च शिखर सगरमाथा तथा लोत्से हिमाल सफलतापूर्वक आरोहण गर्ने सशस्त्र प्रहरी बल, नेपालका दुई महिला जवानलाई एक तह बढुवा गरिने भएको छ । सशस्त्र प्रहरी सहायक निरीक्षक निमदिकी शेर्पाको तत्काल बढुवा प्रक्रिया अगाडि बढाइएको छ भने सशस्त्र प्रहरी सहायक हवलदार अनिता कार्कीलाई निर्धारित अवधि पूरा भएपछि हवलदार पदमा बढुवा गरिने भएको हो ।