अन्तर्राष्ट्रिय महिला भलिबलः घरेलु मैदानमा नेपाल पदकविहीन

राजधानीमा जारी सेन्ट्रल एसियन भलिबल एसोसिएसन (काभा) महिला भलिबल प्रतियोगितामा घरेलु टोली नेपाल पदकविहीन बनेको छ । त्रिपुरेश्वरस्थित राष्ट्रिय खेलकुद परिषद्को कभर्डहलमा भएको तेस्रो स्थानको प्रतिस्पर्धामा भारतसँग नेपाल ३-१ को सेटमा पराजित भयो । यस जितसँगै भारतले प्रतियोगितामा तेस्रो स्थान हासिल गर्दा नेपाल चौथो स्थानमा रह्यो ।