सल्यानीको मन जितेका डीएसपीको कथा- दीनदु:खीकोमा सहयोग लिएर पुग्थ्यो प्रहरी गाडी !

जिल्ला प्रहरी कार्यालय सल्यानका निवर्तमान प्रमुख, डीएसपी डा. हेमबहादुर केसीको सरुवासँगै सल्यानमा भावुक दृश्य देखिएको छ । उनको बिदाइमा स्थानीय भावुक बने भने सामाजिक सञ्जालमा पनि उनको कामको प्रशंसा भइरहेको छ । प्रहरी संगठनभित्र करिब ७९ हजार जनशक्ति रहे पनि डीएसपी केसीले सल्यानमा रहँदा गरेको कामले उनलाई फरक पहिचान दिलाएको छ ।