Banking Samachar

नेपाल प्रहरीका अनुसार गत वैशाख महिनामा देशभर मादक पदार्थ सेवन (मापसे) गरेर सवारी चलाउँदा १२४ सवारी दुर्घटना भएका छन्। यी दुर्घटनामा १२ जनाको मृत्यु भएको छ भने १७४ जना घाइते भएका छन्। प्रहरीले मापसेका कारण दुर्घटनाको जोखिम बढेको भन्दै ट्राफिक नियम पालना गर्न चालकहरूलाई आग्रह गरेको छ।

एलजी इलेक्ट्रोनिक्सले सीजी इलेक्ट्रोनिक्ससँगको सहकार्यमा नेपालमा नयाँ डुअलकुल इन्भर्टर रेसिडेन्सियल एयर कन्डिसनर श्रृंखला सार्वजनिक गरेको छ। यस नयाँ श्रृंखलामा ‘किलोवाट म्यानेजर’ नामक स्मार्ट विद्युत् व्यवस्थापन प्रविधि समावेश गरिएको छ, जसले प्रयोगकर्तालाई आफ्नो विद्युत् खपत सीमा निर्धारण गर्न र वास्तविक समयमा अनुगमन गर्न सहयोग पुर्‍याउँछ। यस प्रविधिले ऊर्जा दक्षता र लागत नियन्त्रणमा जोड दिँदै उपभोक्तालाई अनुमानयोग्य सञ्चालन अनुभव प्रदान गर्ने कम्पनीको दाबी छ।

सरकारको आर्थिक सर्वेक्षण २०८२/८३ ले मुलुकको अर्थतन्त्रमा केही सकारात्मक सङ्केत देखाएको छ, जसमा बाह्य क्षेत्र सुदृढ बन्दै गएको, मुद्रास्फीति नियन्त्रणमा रहेको र विप्रेषणमा उल्लेख्य वृद्धि भएको उल्लेख छ। यद्यपि, पुँजीगत खर्च कमजोर रहनु, व्यापार घाटा बढ्नु, सार्वजनिक ऋण विस्तार हुनु र निजी क्षेत्रको कर्जा प्रवाह सुस्त रहनुजस्ता संरचनात्मक चुनौतीहरू कायमै रहेको प्रतिवेदनले औँल्याएको छ।

चालु आर्थिक वर्ष २०८२/८३ को पहिलो १० महिना (साउनदेखि वैशाखसम्म) मा नेपालको वैदेशिक व्यापार १४.७५ प्रतिशतले बढेर १९ खर्ब ४१ अर्ब ६० करोड रुपैयाँ पुगेको छ। यस अवधिमा आयात १४.८२ प्रतिशतले बढेर १६ खर्ब ९२ अर्ब ६४ करोड रुपैयाँ पुगेको छ भने निर्यात १४.२५ प्रतिशतले बढेर २ खर्ब ४८ अर्ब ९६ करोड रुपैयाँ पुगेको छ। आयातको तुलनामा निर्यातको हिस्सा कम हुँदा व्यापार घाटा १४.९२ प्रतिशतले बढेर १४ खर्ब ४३ अर्ब ६७ करोड रुपैयाँ पुगेको छ।

एनआईसी एशिया बैंकले आफ्नो संस्थागत सामाजिक उत्तरदायित्व अन्तर्गत सुर्खेतको वीरेन्द्रनगरमा रहेको श्री नेपाल राष्ट्रिय प्राथमिक विद्यालयमा पानी ट्यांकी र मोटर जडान गरी हस्तान्तरण गरेको छ। विद्यालयमा स्वच्छ खानेपानीको व्यवस्थापन र शैक्षिक वातावरण सुधार गर्ने उद्देश्यले यो सहयोग प्रदान गरिएको हो।

प्रिमियम इलेक्ट्रिक स्कुटर ब्रान्ड एथर नेपालले बिर्तामोडमा आफ्नो नयाँ एथर एक्सपिरियन्स सेन्टरको उद्घाटन गरेको छ। यस विस्तारसँगै कम्पनीले देशभर विद्युतीय सवारी साधनको पहुँच बढाउने आफ्नो प्रतिबद्धतालाई थप मजबुत बनाएको छ। यो नयाँ केन्द्र सञ्चालनमा आएसँगै देशभर एथरका कुल ११ वटा एक्सपिरियन्स सेन्टर पुगेका छन्।

अर्थमन्त्री डा. स्वर्णिम वाग्लेले संघीय संसद्मा आर्थिक वर्ष २०८२/८३ को आर्थिक सर्वेक्षण प्रस्तुत गर्दै चालू आर्थिक वर्षमा नेपालको अर्थतन्त्र ३.८५ प्रतिशतले विस्तार हुने अनुमान गरिएको बताएका छन्। विश्व अर्थतन्त्र ३.१ प्रतिशतमा खुम्चने प्रक्षेपण भइरहेका बेला नेपालको यो वृद्धिदरलाई सकारात्मक मानिएको छ। सर्वेक्षणअनुसार मुलुकको अर्थतन्त्रको कुल आकार ६६ खर्ब रुपैयाँ पुग्ने र नेपालीको प्रतिव्यक्ति कुल राष्ट्रिय आय १,५३५ अमेरिकी डलर पुग्ने प्रक्षेपण गरिएको छ।

अख्तियार दुरुपयोग अनुसन्धान आयोगले घुससम्बन्धी मुद्दामा सरकारी साक्षीका रूपमा गलत बयान दिएको अभियोगमा प्रल्हाद गौतम, विप्लव पोखरेल र राजेश श्रेष्ठविरुद्ध विशेष अदालतमा मुद्दा दायर गरेको छ। आयोगको दाबीअनुसार उनीहरूले अनुसन्धानका क्रममा सहयोग नगरेको र गत वैशाख २५ गते विशेष अदालतमा बकपत्र गर्दा अनुसन्धान अधिकृतसमक्ष गरेको बयान प्रतिकूल हुनेगरी बयान दिएको पुष्टि भएको छ।

आर्थिक सर्वेक्षण २०८२/८३ अनुसार हाल सञ्चालनमा रहेका ४५ सार्वजनिक संस्थानमध्ये २७ वटा नाफामा र १६ वटा घाटामा रहेका छन्। नेपाल सरकारको सार्वजनिक संस्थानमा कुल लगानी ७ खर्ब ९८ अर्ब ५६ करोड रुपैयाँ पुगेको छ। यस अवधिमा सार्वजनिक संस्थानहरूको कुल सम्पत्ति ३२ खर्ब ६ अर्ब ९१ करोड रुपैयाँ पुगेको छ।

लुम्बिनी प्रदेश सरकारले आर्थिक वर्ष २०८३/८४ को लागि नीति तथा कार्यक्रम प्रदेशसभामा प्रस्तुत गरेको छ। प्रदेश प्रमुख कृष्णबहादुर घर्तीमगरले प्रस्तुत गरेको नीति तथा कार्यक्रममा सुशासन, आर्थिक समृद्धि र प्रशासनिक सुधारलाई प्राथमिकता दिइएको छ। यसअन्तर्गत हाल कायम रहेका १२ मन्त्रालयलाई घटाएर ८ मा झारिने घोषणा गरिएको छ।

स्वास्थ्य बीमा बोर्डले वित्तीय संकटको कारण देखाउँदै जेठ १६ गतेदेखि लागू हुने गरी निजी स्वास्थ्य संस्थामा आकस्मिकबाहेकका सबै स्वास्थ्य बीमा सेवा स्थगित गरेको छ। बोर्डको जेठ ११ गते बसेको बैठकले अर्को सूचना जारी नभएसम्मका लागि यो निर्णय गरेको हो।

प्रधानमन्त्री बालेन्द्र शाहले मंगलबार यहाँस्थित युरोपेली संघ (ईयू)मा आबद्ध देशका गैरआवासीय राजदूत तथा मिसन प्रमुखहरूसँग संयुक्त भेटवार्ता गरेका छन्। प्रधानमन्त्री तथा मन्त्रिपरिषद्को कार्यालयमा भएको उक्त भेटमा नेपालको वर्तमान प्राथमिकता, द्विपक्षीय सम्बन्ध सुदृढ तुल्याउने र सहकार्यका विविध विषयमा छलफल केन्द्रित भएको थियो।