नझुक्किनुस् ! ओलीलाई व्यङ्ग्य गरेको देखिने एआई सिर्जित गीत बालेनले युट्यबमा राखेका होइनन्

प्रधानमन्त्री वालेन्द्र शाह (बालेन)को आधिकारिक युट्युब च्यानलमा पूर्वप्रधानमन्त्री एवं नेकपा (एमाले)का अध्यक्ष केपी शर्मा ओलीलाई व्यङ्ग्य गरिएको एआई सिर्जित गीत देखिएको छ । झन्डै दुई महिनाअघि सार्वजनिक भएको भनिएको उक्त अडियो शुक्रबारदेखि सामाजिक सञ्जालमा चर्चाको विषय बनेको हो । ‘ह्याप्पी होली, बाईबाई ओली’ शीर्षकको उक्त गीतमा ओलीको तस्बिर राखिएको छ भने गीतमा १९ गते होली र २१ गते ‘बाईबाई ओली’ भन्दै व्यङ्ग्य गरिएको छ ।