विदेशबाट सिकेको पाठ : लोभलाग्दो व्यावसायिक कृषि

गोरखाको पालुङटार नगरपालिकाका किसान नन्दबहादुर खड्काले वैदेशिक रोजगारी छाडेर गाउँघरमा कृषि तथा पशुपन्छी फार्म दर्ता गरी व्यावसायिक कृषि पेसा अँगालेका छन् । उनले ५० रोपनी जग्गामा कागती, १२ रोपनीमा काँक्रो र करेला खेती तथा आठ रोपनी जग्गामा व्यावसायिक अकबरे खुर्सानी खेती सुरु गरेका छन् । १० लाख रुपियाँबाट लगानी सुरु गरी मेहनत र परिश्रमले विगत तीन वर्षदेखि कागती खेतीबाट करिब सात लाख रुपियाँ बर्सैपिच्छे आम्दानी गर्ने गरेको उनले बताए ।