विद्यालय हिँडेका बालक बेपत्ता

महोत्तरीको जलेश्वर नगरपालिका–१२, थरुवाही गाउँका १२ वर्षीय बालक गौतम यादव एक सातादेखि बेपत्ता भएपछि उहाँको परिवारमा रुवावासी चलेको छ । जेठ ७ गते बिहानै साइकल चढी जलेश्वरस्थित एड्भान्स लर्नर्स हिमालयन अङ्ग्रेजी बोर्डिङ स्कुल जलेश्वरका लागि हिँडेका गौतम गाउँबाटै बेपत्ता भएको उहाँका बुवा आशुतोष यादवले बताउनुभयो । विद्यालय सकेर घर फकर्ने बाटो पर्खेर बसेका बुवा आशुतोष यादव र आमा पुनम यादवको अहिले छोरा बेपता भएपछि चिन्तित हुनुहुन्छ ।