शतकपछि कुशलको प्रतिक्रिया- शीर्ष ब्याटरको राम्रो सुरुआतमा खुसी छु

आइसिसी विश्वकप लिग–२ को शृङ्खलामा अमेरिकामाथि सानदार जित निकालेपछि नेपालका शतकधारी ब्याटर कुशल भुर्तेलले आफ्नो शतकभन्दा पनि शीर्ष क्रमका ब्याटरले रन बनाउन सक्दा बढी खुसी लागेको बताएका छन् । अमेरिकाविरुद्ध अविजित १२० रनको शतकीय पारी खेलेका भुर्तेलले टोलीको जित सधैँ महत्त्वपूर्ण रहने बताए । उनले शीर्ष ब्याटरका रूपमा आफू र आसिफ शेखले राम्रो साझेदारी गर्न सके खेल जित्न सकिन्छ भन्ने विश्वासका साथ ब्याटिङ गरेको बताए ।