कुलेखानीमा माछाका भुरा छाडियो

मकवानपुरको कुलेखानीस्थित इन्द्रसरोवर जलाशयमा दुई लाखभन्दा बढी माछाका भुरा छाडिएका छन्। मत्स्य विकास केन्द्र, कुलेखानी मकवानपुरले रहु, नैनी, सिल्भर कार्प, बिगहेड कार्प, ग्रास कार्प र कमन कार्प जातका भुरा जलाशयमा छाडेको हो। प्राकृतिक रूपमा तापक्रम अनुकूल नहुँदा र माछा वयस्क नहुँदै समातिने प्रवृत्तिका कारण प्रजनन र उत्पादन प्रक्रिया प्रभावित हुने भएकाले प्रत्येक वर्ष भुरा छाड्ने गरिएको छ।