स्वर्ण पदक विजेता मल्ललाई एक लाख पुरस्कार

लुम्बिनी प्रदेशस्तरीय १६औँ राष्ट्रपति रनिङ शिल्ड प्रतियोगिता–२०८३ मा स्वर्ण पदक विजेता अञ्जली मल्ललाई गौमुखी गाउँपालिकाले एक लाख रुपियाँ नगद पुरस्कार दिने निर्णय गरेको छ । प्रतियोगिताअन्तर्गत एक हजार पाँच सय मिटर र तीन हजार मिटर दौडमा मल्लले स्वर्ण पदक जित्नुभएको हो । खेलाडीको हौसला अभिवृद्धि गर्न पुरस्कार दिने निर्णय गरिएको हो ।