शिक्षकमाथि दुर्व्यवहार र आक्रमणको घटनाप्रति नेपाल शिक्षक महासंघको आपत्ति

himalpress.com · 3 दिन अघि

नेपाल शिक्षक महासंघले तेह्रथुम र रौतहटमा शिक्षकमाथि भएको दुर्व्यवहार तथा भौतिक आक्रमणको घटनाप्रति गम्भीर ध्यानाकर्षण भएको जनाएको छ। महासंघले सिंहबाहिनी माध्यमिक विद्यालय, तेह्रथुमका शिक्षक चेतनप्रसाद सुवेदी र शंकर माध्यमिक विद्यालय, रौतहटका शिक्षक रामबाबु यादवमाथि भएको दुर्व्यवहार तथा आक्रमणको घटनाको भर्त्सना गर्दै संलग्नलाई कारबाही गर्न माग गरेको छ। साथै, तेह्रथुममा कार्यरत शिक्षकहरूको अन्यायपूर्ण सरुवा तत्काल फिर्ता गर्न पनि महासंघले माग गरेको छ।