धरानमा सडक तथा फुटपाथमा लोकल कुखुरा बिक्री वितरणमा रोक

धरान उपमहानगरपालिकाको सडक तथा फुटपाथमा राखेर लोकल कुखुरा बिक्री वितरण गर्न नपाइने भएको छ । धरान उपमहानगरपालिकाले धरान–९ स्थित पूर्णपथ क्षेत्रमा अव्यवस्थित रूपमा बिक्री वितरण भइरहेको लोकल कुखुरा सडकबाट उठाएको छ । उपमहानगरका बजार अनुगमन अधिकृत वेद प्रसाद सापकोटाका अनुसार पटक पटक व्यवस्थापन गर्न ताकेता गर्दा पनि व्यवसायीले अटेर गरेपछि सडक पेटीमा राखिएका कुखुरा उठाएर उपमहानगर लगिएको थियो।