'सहकारी संस्थामा दलको आस्थाका आधारमा प्यानल बनाएर प्रतिस्पर्धा नगर्नू'

राष्ट्रिय सहकारी बैंक लगायतका सहकारी संघ–संस्थाहरूको सञ्चालक समितिको निर्वाचनमा राजनीतिक दलको आस्थाका आधारमा प्यानल बनाएर प्रतिस्पर्धा हुने गरेको भन्ने विषयमा सहकारी विभागले गम्भीर ध्यानाकर्षण भएको जनाएको छ । विभागले जारी गरेको सूचनामा सहकारीका आधारभूत मूल्य, मान्यता र सिद्धान्तविपरीत यस्ता गतिविधि हुनु दुःखद भएको उल्लेख गरिएको छ ।