मिथिलाको परम्परा, भोजन र संस्कृतिमा पर्यटनको विराट सम्भावना

प्राचीन मिथिलाको राजधानी जनकपुरधाममा पर्यटन प्रवर्द्धनका लागि संस्कार, भोजन, पहिरन र आतिथ्य सबैभन्दा बलियो आधार रहेको जनकपुर साहित्य महोत्सवमा विमर्श भएको छ। होटल व्यवसायी रामेश्वर साहले यातायातको सुविधा नहुँदा पनि जनकपुर आउने पर्यटक कम नभएको र यहाँको सामाजिक परिवेश, मिथिला भोजन, चित्रकला र संस्कृतिले पर्यटकलाई आकर्षित गर्ने गरेको बताए।