बेँसीसहर, सुन्दरबजार र राईनासले गरे अतिक्रमण हटाउन ताकेता

लम्जुङका स्थानीय तहले सार्वजनिक तथा सरकारी जग्गा अतिक्रमण गरी निर्माण गरिएका संरचना हटाउन ताकेता गर्न थालेका छन् । बेँसीसहर, सुन्दरबजार र राईनास नगरपालिकाले छुट्टाछुट्टै सूचना जारी गर्दै अवैध संरचना नहटाए स्थानीय तह आफैँले हटाउने चेतावनी दिएका छन् । बेँसीसहर नगरपालिकाले बाटो, कुलो, पोखरी, मसानघाट, गौचरनलगायत सरकारी तथा सार्वजनिक जग्गा मिचेर बनाइएका घर, टहरा वा अन्य संरचना ३५ दिनभित्र आफैँ हटाउन निर्देशन दिएको छ ।