जापानी सवारी उद्योगमा मध्यपूर्व द्वन्द्वको असर

टोयोटाको जापानबाट मध्यपूर्वतर्फ हुने निर्यात अप्रिल महिनामा ९१.७ प्रतिशतले घटेको छ । जारी क्षेत्रीय द्वन्द्वका कारण व्यापारमा असर पर्दा निर्यात केवल दुई हजार ४१८ युनिटमा सीमित भएको कम्पनीले बिहीबार जनाएको छ । कम्पनीका अनुसार अप्रिलमा टोयोटाको विश्वव्यापी बिक्री ३.१ प्रतिशतले घटेर ८लाख ४९ हजार ३०६ सवारी साधनमा पुगेको छ । तर, विश्वव्यापी उत्पादन भने दुई प्रतिशतले बढेर आठ लाख ३१ हजार ९७१ युनिट पुगेको छ ।