झापामा दुई दिनभित्र दुई महिलाको बीभत्स हत्या, दुई जना पक्राउ

झापामा दुई दिनको अवधिमा दुई जना महिलाको बीभत्स हत्या भएको छ । अलग–अलग स्थानमा भएका घटनामा दुई जना पक्राउ परेका छन् । हल्दीबारी गाउँपालिका–५ कञ्चनश्रीमा श्रीमान्ले आफ्नै श्रीमतीको हत्या गरेका छन् भने अर्जुनधारा नगरपालिका–८ कुशलचोकमा मदिरा सेवनपछि भएको विवादका क्रममा एक महिलाको मृत्यु भएको छ । दुवै घटनामा पक्राउ परेकामाथि कर्तव्य ज्यान मुद्दामा अनुसन्धान भइरहेको प्रहरीले जनाएको छ ।