झापाको हल्दीबारीमा श्रीमतीको हत्या आरोपमा श्रीमान पक्राउ

झापाको हल्दीबारी गाउँपालिका–५ कञ्चनश्रीमा श्रीमतीको हत्या गरेको आरोपमा एक पुरुष पक्राउ परेका छन् । प्रहरीका अनुसार स्थानीय ४४ वर्षीय गोकर्ण भण्डारीले आफ्नी ३३ वर्षीया श्रीमती उर्मिला भण्डारीमाथि धारिलो हतियार प्रहार गरी हत्या गरेका हुन् । घटना सोमबार राति करिब ११ बजे भएको बताइएको छ । प्रारम्भिक अनुसन्धानअनुसार उर्मिलाको टाउकोमा ‘बाम्पोक’ प्रहार गरिएको खुलेको प्रहरीले जनाएको छ ।