प्रदेशको अधिकारमाथि केन्द्रको हस्तक्षेप बढेको मुख्यमन्त्रीको आरोप

कोशी प्रदेशका मुख्यमन्त्री हिक्मतकुमार कार्कीले प्रदेशको अधिकारमाथि संघीय सरकारबाट निरन्तर हस्तक्षेप बढेको आरोप लगाएका छन् । प्रदेशको बजेट निर्माणका लागि सांसदसँग सुझाव संकलन गर्न आयोजित कार्यक्रममा उनले संघीय सरकारले संविधानले दिएको प्रदेशको अधिकार क्षेत्रमै हस्तक्षेप गर्दै आएको बताए । विशेषगरी नयाँ सवारी दर्ता नगर्न दिएको परिपत्रप्रति आपत्ति जनाउँदै उक्त निर्णयले प्रदेशको आम्दानी र प्रशासनिक अधिकारमा असर परेको उल्लेख गरे ।