चन्द्रमामा मानव बस्तीका लागि नासाको ‘मून बेस’ योजना सार्वजनिक

अमेरिकी अन्तरिक्ष एजेन्सी (नासा)ले चन्द्रमामा स्थायी मानव उपस्थितिका लागि महत्त्वाकाङ्क्षी ‘मून बेस’ योजनाको खाका सार्वजनिक गरेको छ। ‘आर्टेमिस’ अन्वेषण कार्यक्रम अन्तर्गत नासाले चन्द्रमाको दक्षिणी ध्रुव नजिक मानव बस्ती र पूर्वाधार विकास गर्ने रणनीति अघि सारेको हो। यो परियोजनालाई तीन चरणमा विभाजन गरिएको छ, जसको तेस्रो चरण सन् २०३२ पछि सुरु हुने छ र यसको लक्ष्य चन्द्रमामा स्थायी मानव उपस्थिति कायम गर्नु हो।