लुम्बिनीमा सवारी दुर्घटनाको भयावह रूप: १० महिनामा ४९३ जनाको मृत्यु, ७ हजार बढी घाइते

लुम्बिनी प्रदेशमा चालू आर्थिक वर्षको साउनदेखि चैत मसान्तसम्म सडक दुर्घटनामा परी ४९३ जनाको मृत्यु भएको छ। यस अवधिमा भएका कुल ४ हजार ४४८ वटा दुर्घटनामध्ये ६४ प्रतिशत दुईपाङ्ग्रे सवारीसाधन नै दुर्घटनामा परेका छन्। चालकको लापरवाही, सडक शिक्षाको कमी, कमजोर सडक संरचना र पैदल यात्रुमा जनचेतनाको अभावका कारण दुर्घटना धेरै हुने गरेको छ।