मनाङमा पदमार्ग हराउँदा पर्यटकलाई सास्ती

विश्वकै चर्चित अन्नपूर्ण चक्रीय पदमार्ग सडक विस्तारसँगै संकटमा परेको छ । परम्परागत पदमार्ग मासिँदै जाँदा पर्यटकले अपेक्षित पदयात्राको अनुभव लिन नपाएको गुनासो बढेको छ भने स्थानीय पर्यटन व्यवसाय पनि प्रभावित बनेको छ । बेँसीसहर–चामे सडक खण्ड निर्माण सुरु भएको लामो समय बितिसक्दा पनि सडक स्तरोन्नति पूरा हुन नसक्दा यात्रा कष्टकर बनेको छ ।