एसियन गेम्स

नेपाली राष्ट्रिय क्रिकेट टोली एसियन गेम्स क्रिकेट छनोट प्रतियोगिता खेल्नका लागि बिहीबार सिंगापुर प्रस्थान गरेको छ। नेपाल क्रिकेट संघ (क्यान) ले आयोजना गरेको बिदाइ कार्यक्रममा कप्तान दीपेन्द्रसिंह ऐरीले टोलीको तयारी राम्रो रहेको र सिंगापुरमा सकारात्मक नतिजा ल्याउने विश्वास व्यक्त गरे। प्रतियोगिताको सेमिफाइनलमा पुग्ने टोली एसियन गेम्स पुरुष क्रिकेटका लागि छनोट हुनेछन्।

मलेसियामा जारी एसियन गेम्स महिला क्रिकेट छनोट प्रतियोगितामा नेपालले इन्डोनेसियालाई ४ विकेटले पराजित गर्दै सेमिफाइनलमा स्थान पक्का गरेको छ। यो जितसँगै नेपाल समूह 'बी' को विजेता बन्दै अन्तिम चारमा पुगेको हो।

एसियन गेम्स छनोटको क्रिकेट प्रतियोगितामा नेपालले चीनलाई १९ रनले पराजित गरेको छ। मलेसियामा भएको खेलमा नेपालले दिएको १२६ रनको लक्ष्य पछ्याएको चीनले २० ओभरमा ५ विकेटको क्षतिमा १०६ रन मात्र बनाउन सक्यो। यस जितसँगै नेपालले एसियन गेम्समा छनोट हुने सम्भावना बलियो बनाएको छ।

नेपाली महिला राष्ट्रिय क्रिकेट टोलीले मलेसियाविरुद्धको दुई खेलको टी-२० अन्तर्राष्ट्रिय शृंखला २-० ले क्लिन स्वीप गरेको छ। शुक्रबार भएको दोस्रो तथा अन्तिम खेलमा नेपालले मलेसियालाई ७ विकेटले पराजित गर्दै सिरिज आफ्नो नाममा पारेको हो। यसअघि पहिलो खेलमा पनि नेपाल २ विकेटले विजयी भएको थियो।