केन्टन कुल

यस वर्षको वसन्तकालीन सगरमाथा आरोहणमा हालसम्मकै सर्वाधिक ८८० आरोहीले सफल आरोहण गरेका छन्। वैशाख ३१ गते सुरु भएको आरोहणमा आइतबारसम्म आरोही र सहयोगी शेर्पा गरी ८८० जनाले चुचुरो टेकेका छन्। पर्यटन विभागका अनुसार यस वर्ष सगरमाथाका लागि ४९५ जनालाई आरोहण अनुमति जारी गरिएको थियो, जुन सन् १९५३ यताकै सबैभन्दा बढी हो।

बेलायती आरोही केन्टन कुलले विश्वको सर्वोच्च शिखर सगरमाथाको २०औँ पटक सफलतापूर्वक आरोहण गर्दै गैर-शेर्पा आरोहीतर्फ नयाँ कीर्तिमान कायम गरेका छन्। ५२ वर्षीय कुलले मे २२, २०२६ मा आफ्ना गाइड दोर्जी ग्याल्जेन शेर्पासँगै बिहान करिब ४ बजे शिखरमा पाइला टेकेका थिए। यससँगै उनले गैर-शेर्पा आरोहीमध्ये सबैभन्दा धेरै पटक सगरमाथा आरोहण गर्ने आफ्नै कीर्तिमानलाई थप मजबुत बनाएका छन्।