पर्वतारोहण

प्रतिनिधि सभामा पर्यटन विधेयक, २०८१ माथि विचार गरियोस् भन्ने प्रस्ताव प्रस्तुत गरिएको छ। सांसदहरुले नेपालको संविधानले पर्यटनलाई राष्ट्रिय अर्थतन्त्रको महत्वपूर्ण आधार मानेको भए पनि क्षेत्र व्यवस्थित नभएको बताएका छन्। उनीहरूले हिमाल आरोहणसँगै बढ्दो फोहोर व्यवस्थापन र कानुनी सुधारको आवश्यकतामाथि जोड दिएका छन्।

नेपालकी ट्रान्स महिला निलम पौडेलले सगरमाथाको सफल आरोहण गर्दै विश्वको सर्वोच्च शिखर चुम्ने पहिलो ट्रान्स महिला बनेर ऐतिहासिक उपलब्धि हासिल गरेकी छन्। जेठ ९ गते शनिबार भएको यो आरोहणलाई एलजीबीटीक्यू समुदायले समावेशिता र समानताको दिशामा महत्त्वपूर्ण कदमका रूपमा स्वागत गरेका छन्। पौडेलले यो सफलतालाई आफूलाई कहिल्यै स्वीकार नगरिएको महसुस गर्ने सबै मानिसहरूको बताएकी छन्।

दोस्रो संस्करणको ‘एभरेष्ट समिटर्स समिट–२०२६’ यही जेठ १३ गते काठमाडौँमा आयोजना हुँदैछ । एभरेष्ट अलायन्स नेपालको आयोजनामा संस्कृति, पर्यटन तथा नागरिक उड्डयन मन्त्रालयको सहकार्यमा हुने यस कार्यक्रममा विश्वका २६ देशका १७६ सगरमाथा आरोहीलाई विशेष पदक र प्रमाणपत्रसहित सम्मान गरिनेछ । राष्ट्रपति रामचन्द्र पौडेलले ‘समिटर्स ब्रेकफास्ट’ मा सहभागी भई आरोहीहरूसँग साक्षात्कार गर्ने कार्यक्रम छ ।

यस वर्षको वसन्तकालीन सगरमाथा आरोहणमा हालसम्मकै सर्वाधिक ८८० आरोहीले सफल आरोहण गरेका छन्। वैशाख ३१ गते सुरु भएको आरोहणमा आइतबारसम्म आरोही र सहयोगी शेर्पा गरी ८८० जनाले चुचुरो टेकेका छन्। पर्यटन विभागका अनुसार यस वर्ष सगरमाथाका लागि ४९५ जनालाई आरोहण अनुमति जारी गरिएको थियो, जुन सन् १९५३ यताकै सबैभन्दा बढी हो।