खडक राज (गनेश) पौडेल

संस्कृति, पर्यटन तथा नागरिक उड्डयनमन्त्री खडक राज पौडेलले पर्यटन केवल प्राकृतिक सम्पदा वा धार्मिकस्थलको विषय नभई व्यवस्थापन, संस्कृति र कथासँग जोडिएको क्षेत्र भएको बताएका छन्। प्रतिनिधिसभाको बैठकमा उनले पर्यटनलाई बुझ्ने दृष्टिकोण व्यापक हुनुपर्ने र यसका लागि व्यवस्थापकीय क्षमता तथा प्रभावकारी कानुन आवश्यक रहेको धारणा राखे। मन्त्री पौडेलले पर्यटनलाई कथा निर्माणसँग तुलना गर्दै कुनै पनि स्थानलाई कसरी प्रस्तुत गरिन्छ भन्ने कुराले पर्यटन उद्योगको सफलता निर्धारण गर्ने बताए।

प्रतिनिधि सभामा 'पर्यटन विधेयक, २०८१ माथि विचार गरियोस्' भन्ने प्रस्ताव प्रस्तुत गरिएको छ, जसमा सांसदहरुले पर्यटन क्षेत्रलाई व्यवस्थित बनाउनुका साथै फोहोर व्यवस्थापन र नेपाली उत्पादनको बजारीकरणमा जोड दिएका छन्। संस्कृति, पर्यटन तथा नागरिक उड्डयनमन्त्री खडक राज पौडेलले उक्त प्रस्ताव प्रस्तुत गरेका हुन्।

प्रतिनिधि सभामा पर्यटन विधेयक, २०८१ माथि विचार गरियोस् भन्ने प्रस्ताव प्रस्तुत गरिएको छ। सांसदहरुले नेपालको संविधानले पर्यटनलाई राष्ट्रिय अर्थतन्त्रको महत्वपूर्ण आधार मानेको भए पनि क्षेत्र व्यवस्थित नभएको बताएका छन्। उनीहरूले हिमाल आरोहणसँगै बढ्दो फोहोर व्यवस्थापन र कानुनी सुधारको आवश्यकतामाथि जोड दिएका छन्।

प्रतिनिधि सभाको अन्तर्राष्ट्रिय सम्बन्ध र पर्यटन समितिमा संस्कृति, पर्यटन तथा नागरिक उड्डयन मन्त्रालयको नीति, योजना र चालु कार्यक्रमबारे छलफल भएको छ। बैठकमा सांसदहरूले अन्तर्राष्ट्रिय विमानस्थलको स्तरोन्नति, पर्यटन क्षेत्रको प्रभावकारी सम्बोधन र सांस्कृतिक सम्पदाको संरक्षणमा जोड दिएका छन्। छलफल सामान्य प्रकृतिको रहेको र सरकारलाई निर्देशन दिनुपर्ने अवस्था नरहेको समिति सभापति सुम्नीमा उदासले जानकारी दिइन्।