नेपाल मेडिकल काउन्सिल

नेपाली सेना स्वास्थ्य विज्ञान संस्थानले विद्यावारिधि तहमा डिएम कार्डियोलोजी, डिएम क्रिटिकल केयर र एमसिएस युरोलोजी विषयमा पठनपाठन सुरु गर्न लागेको छ। संस्थानका कार्यकारी निर्देशक उपरथी प्रा डा देवेन्द्रबहादुर खत्रीका अनुसार यसका लागि स्वीकृति प्राप्त भइसकेको छ र छिट्टै पठनपाठन आरम्भ हुनेछ। यससँगै संस्थानले स्नातक, स्नातकोत्तर र विद्यावारिधि तहका शैक्षिक कार्यक्रम सञ्चालन गर्नेछ।

नेपाल मेडिकल काउन्सिलले कानुनी रूपमा दर्ता नभई 'डाक्टर' वा 'चिकित्सक' उपाधि प्रयोग गर्ने व्यक्तिविरुद्ध कडा कारबाही गर्ने चेतावनी दिएको छ। काउन्सिलले विभिन्न अस्पताल, क्लिनिक र सामाजिक सञ्जालमा गैर-चिकित्सक वा अन्य व्यक्तिले अनधिकृत रूपमा उपाधि प्रयोग गरी भ्रम सिर्जना गरेको भन्दै १५ दिनभित्र यस्तो प्रयोग हटाउन निर्देशन दिएको छ।

नेपाल मेडिकल काउन्सिलले आफ्नो नामका अगाडि कानुनविपरीत रूपमा प्रयोग गरिएको ‘डाक्टर’ (डा) शब्द १५ दिनभित्र हटाउन निर्देशन दिएको छ। काउन्सिलका निमित्त रजिस्ट्रार डा. दीपेन्द्र पाण्डेका अनुसार, काउन्सिलमा दर्ता भएका चिकित्सकबाहेक अन्य कसैले पनि यो उपाधि प्रयोग गर्न नपाउने र यसो गरेमा ऐनबमोजिम तीन वर्षसम्म कैद वा तीन हजार रुपैयाँ जरिवाना हुन सक्नेछ।

नेपाल चिकित्सक संघले मधेश स्वास्थ्य विज्ञान प्रतिष्ठान, प्रादेशिक अस्पताल जनकपुरधाममा कार्यरत डा. धिरेन्द्र कुमार साह र डा. श्रेयालक्ष्मी साहलाई निलम्बन गरिएकोमा आपत्ति जनाएको छ। संघले ७२ घण्टाभित्र निलम्बन फिर्ता नलिए आन्दोलनका कार्यक्रम घोषणा गर्ने चेतावनी दिएको छ। संघले बिरामीको अवस्था र उपचार प्रक्रियाबारे सत्यतथ्य नबुझी तथा नेपाल मेडिकल काउन्सिलको अनुसन्धानबिनै गरिएको निर्णय प्रचलित कानुनविपरीत भएको ठहर गरेको छ।