प्रदेश अस्पताल सुर्खेत

प्रदेश अस्पताल सुर्खेतले सार्वजनिक बिदाका दिनमा पनि ओपीडी सेवा सञ्चालन गर्ने भएको छ। नेपाल सरकार गृह मन्त्रालयको राजपत्रमा प्रकाशित सार्वजनिक सेवा प्रवाहसम्बन्धी विशेष व्यवस्थाअनुसार यो निर्णय गरिएको हो। कर्णालीको भौगोलिक विकटताका कारण टाढाबाट आउने बिरामीलाई सहज होस् भन्ने उद्देश्यले अस्पतालले यस्तो निर्णय लिएको छ।

हिमाली जिल्ला डोल्पाको शे-फोक्सुण्डो गाउँपालिकामा लेक लागेर बिरामी परेका चन्द्रबहादुर चौधरीलाई नेपाली सेनाको हेलिकप्टरमार्फत उद्धार गरी प्रदेश अस्पताल सुर्खेत पठाइएको छ। चौधरी स्काभेटर मर्मतका लागि साल्दाङ पुगेका थिए र अचानक श्वासप्रश्वासमा समस्या देखिएपछि उनको उद्धार गरिएको हो।