बासना थापा

प्रमुख प्रतिपक्ष दल नेपाली कांग्रेसले गणतन्त्र दिवस मूल समारोहमा सम्बोधन नगर्ने प्रधानमन्त्री बालेन्द्र साहको निर्णयलाई गैरजिम्मेवार र उत्तरदायित्वको कमी भएको टिप्पणी गरेको छ। बिहीबार बसेको कांग्रेस संसदीय दलको संयुक्त बैठकले प्रधानमन्त्रीको अनुपस्थितिको कारण स्पष्ट नपारिएको भन्दै आपत्ति जनाएको हो। बैठकमा आगामी बजेट, संसद्मा पार्टीको भूमिका र रिक्त पदपूर्तिबारे पनि छलफल भएको थियो।

विपक्षी दलहरूले प्रधानमन्त्री वालेन्द्र शाह (बालेन) संसद्मा उपस्थित नभएसम्म सदन चल्न नदिने अडान दोहोर्‍याएका छन्। उनीहरूले प्रधानमन्त्रीले सांसदहरूले उठाएका प्रश्नको जवाफ दिनुपर्ने माग गरेका छन्। सभामुख डोलप्रसाद अर्यालले प्रधानमन्त्री सदनमा आउने तयारीमा रहेको जानकारी गराए पनि विपक्षीहरूले विरोध जारी राखेका छन्।