सपना मल्ल प्रधान

प्रधानन्यायाधीश डा. मनोजकुमार शर्माको नियुक्तिसम्बन्धी रिट दरपिठ विवाद संवैधानिक इजलासमा सुनुवाइको लागि तय भएको छ। वरिष्ठतम न्यायाधीशलाई प्रधानन्यायाधीश बनाउनुपर्ने दाबीसहित दायर गरिएको रिट सर्वोच्च प्रशासनले दरपिठ गरेपछि त्यसविरुद्धको निवेदन संवैधानिक इजलासमा पुगेको हो। यस विवादको अन्तिम कानुनी निरूपण संवैधानिक इजलासबाट हुनेछ।

सर्वोच्च अदालतकी वरिष्ठतम न्यायाधीश सपना प्रधान मल्लले आफूभन्दा कनिष्ठ डा. मनोजकुमार शर्मा प्रधानन्यायाधीशमा नियुक्त भएपछि २० दिनको बिदा लिएकी छन्। संवैधानिक परिषद्ले वरिष्ठताको क्रम मिचेर शर्मालाई सिफारिस गरेपछि मल्ल असन्तुष्ट रहेको चर्चा छ। डा. शर्माले पदभार ग्रहण गरे पनि मल्ल शपथ ग्रहण समारोहमा सहभागी भएकी थिइनन्।

न्याय परिषद् र न्याय सेवा आयोगको वेबसाइटबाट वरिष्ठतम् न्यायाधीश सपना प्रधान मल्लको नाम अचानक हटाइएपछि न्यायिक वृत्तमा अनेक शंका उब्जिएका छन् । नवनियुक्त प्रधानन्यायाधीश डा. मनोजकुमार शर्माले कार्यभार सम्हालेलगत्तै यो घटना भएको थियो र पछि उनको नाम पुनः यथास्थानमा राखिएको छ । न्याय प्रशासन ऐन र नियमावलीमा 'वरिष्ठतम् न्यायाधीश' को स्पष्ट परिभाषा नहुँदा यस्तो प्रशासनिक अलमल सतहमा आएको हो ।

सर्वोच्च अदालतकी कायममुकायम प्रधानन्यायाधीश सपना प्रधान मल्लले प्रस्तावित प्रधानन्यायाधीश डा. मनोजकुमार शर्माविरुद्ध परेका रिट निवेदनहरू तत्काल दर्ता गर्न आदेश दिएकी छन्। सर्वोच्च अदालत प्रशासनले दरपिठ गरेका निवेदनहरू दर्ता गर्न आनाकानी गरेपछि मल्लले यो आदेश जारी गरेकी हुन्। यस आदेशसँगै सर्वोच्च अदालत प्रशासनमा हलचल मच्चिएको छ र कर्मचारीहरू कार्यकक्ष छाडेर हिँडेका छन्।