सेभेन समिट ट्रेक्स

विश्व कीर्तिमानधारी आरोही कामिरिता शेर्पाले ३२ औँ पटक सगरमाथाको सफल आरोहण गरी काठमाडौँ फर्किएका छन्। यसैबीच, सगरमाथा आरोहण गरी फर्कने क्रममा दुई भारतीय आरोही अरुणकुमार तिवारी र सन्दीप आरेको निधन भएको छ। यस वसन्तकालीन सिजनमा हिमालहरूमा ज्यान गुमाउनेको संख्या सात पुगेको छ।

विश्वविख्यात नेपाली आरोही कामिरिता शेर्पाले ३२औँ पटक सगरमाथाको सफल आरोहण गर्दै आफ्नै विश्व कीर्तिमानलाई थप उचाइमा पुर्‍याएका छन्। यसैगरी, महिला आरोही लाक्पा शेर्पाले ११औँ पटक सगरमाथाको सफल आरोहण गरी महिलातर्फ सर्वाधिक पटक आरोहण गर्ने कीर्तिमान कायम गरेकी छन्। दुवै आरोहीले आइतबार बिहान सगरमाथाको चुचुरोमा पाइला टेकेका हुन्।