स्वास्थ्य बीमा बोर्ड

स्वास्थ्य बीमा बोर्डले वित्तीय संकटको कारण देखाउँदै जेठ १६ गतेदेखि लागू हुने गरी निजी स्वास्थ्य संस्थामा आकस्मिकबाहेकका सबै स्वास्थ्य बीमा सेवा स्थगित गरेको छ। बोर्डको जेठ ११ गते बसेको बैठकले गरेको यो निर्णयले स्वास्थ्य बीमा कार्यक्रममा आबद्ध निजी स्वास्थ्य संस्थाहरूबाट प्रदान गरिने नियमित सेवाहरू अर्को सूचना नभएसम्मका लागि बन्द रहनेछ।

चालु आर्थिक वर्षको फागुनसम्म स्वास्थ्य बीमा कार्यक्रममा लक्षित वर्गको आबद्धता ४३ प्रतिशतले बढेर २१ लाख ४८ हजार ७५० पुगेको छ। यसैबीच, स्वास्थ्य बीमा बोर्डले जेठ १२ गतेको निर्णयअनुसार २१७ वटा सेवा प्रदायक स्वास्थ्य संस्थालाई १ अर्ब ३ करोड २४ लाख ७७ हजार रुपैयाँ भुक्तानी गरेको छ।

सरकारले स्वास्थ्य बिमा कोषलाई सुर्ती, मदिरा र चिनीयुक्त पदार्थमा लाग्ने करबाट सञ्चालन गर्ने तयारी गरेको छ। यो कदमले गुणस्तरीय स्वास्थ्य सेवा सर्वसुलभ बनाउने उद्देश्यले २०७२ सालमा सुरु भएको सामाजिक स्वास्थ्य सुरक्षा कार्यक्रमलाई नयाँ जीवन दिन सक्ने अपेक्षा गरिएको छ। स्वास्थ्य बीमा बोर्डले अस्पतालहरूलाई करिब १०.५ अर्ब रुपैयाँ भुक्तानी गर्न बाँकी रहेकाले कार्यक्रम गम्भीर संकटमा पुगेको छ।

जुम्लामा स्वास्थ्य बीमा नवीकरण गर्नेको संख्या पछिल्लो समयमा घट्दै गएको छ। स्वास्थ्य बीमा बोर्ड सम्पर्क कार्यालयका दर्ता अधिकारी तीर्थराज जोशीका अनुसार करिब ५६ हजार नागरिकले बीमा नवीकरण नगरेका हुन्। सेवाको गुणस्तर, अस्पतालमा औषधि सहजै उपलब्ध नहुने, लामो लाइन र भुक्तानीमा ढिलाइ जस्ता कारणले आम नागरिकमा स्वास्थ्य बीमाप्रति जनविश्वास घटेको स्थानीयवासी बताउँछन्।