Photo · clickmandu.com
नेपाल इन्भेष्टमेन्ट मेगा बैंकले लामो समयदेखि ऋण चुक्ता नगरेका किङ्गडम स्टार स्कूलसहित ११ ऋणीहरूलाई ७ दिनभित्र बक्यौता रकम बुझाउन अन्तिम सूचना जारी गरेको छ। बैंकले सूचनामा तोकिएको अवधिभित्र ऋण नतिरेमा ऋणीहरूलाई कालोसूचीमा राख्ने र धितोमा रहेको चलअचल सम्पत्ति लिलाम गर्ने प्रक्रिया अगाडि बढाउने चेतावनी दिएको छ।
दुर्गा प्रसाईं र कांग्रेस प्रवक्ताद्वारा बजेटको आलोचना
मेडिकल व्यवसायी दुर्गा प्रसाईंले सरकारले ल्याएको बजेट गरिब र निजी क्षेत्रलाई धराशायी बनाउने उद्देश्यले आएको दाबी गरेका छन्। यसैगरी, नेपाली कांग्रेसका प्रवक्ता देवराज चालिसेले बजेट मुलुकको आर्थिक हितविपरित, बोझिलो र वितरणमुखी रहेको आरोप लगाएका छन्। दुवैले स्वास्थ्य र शिक्षा क्षेत्रमा भ्याट लगाइएकोमा असन्तुष्टि व्यक्त गरेका छन्।
आर्थिक सर्वेक्षण २०८२/८३ सार्वजनिक: आर्थिक वृद्धिदर ३.८५ प्रतिशत रहने अनुमान
अर्थमन्त्री डा. स्वर्णिम वाग्लेले संघीय संसद्मा आर्थिक वर्ष २०८२/८३ को आर्थिक सर्वेक्षण प्रस्तुत गर्दै चालू आर्थिक वर्षमा नेपालको अर्थतन्त्र ३.८५ प्रतिशतले विस्तार हुने अनुमान गरिएको बताएका छन्। विश्व अर्थतन्त्र ३.१ प्रतिशतमा खुम्चने प्रक्षेपण भइरहेका बेला नेपालको यो वृद्धिदरलाई सकारात्मक मानिएको छ। सर्वेक्षणअनुसार मुलुकको अर्थतन्त्रको कुल आकार ६६ खर्ब रुपैयाँ पुग्ने र नेपालीको प्रतिव्यक्ति कुल राष्ट्रिय आय १,५३५ अमेरिकी डलर पुग्ने प्रक्षेपण गरिएको छ।
अर्थमन्त्री वाग्लेले गरे कर प्रणालीमा व्यापक पुनरावलोकन: १० लाखसम्म आयमा १% कर
अर्थमन्त्री डा. स्वर्णिम वाग्लेले आगामी आर्थिक वर्ष २०८३/८४ को बजेटमार्फत कर प्रणालीमा व्यापक पुनरावलोकनको घोषणा गरेका छन्। यससँगै व्यक्तिगत आयकरको न्यूनतम सीमा १० लाख रुपैयाँ पुर्याइएको छ, जसअनुसार वार्षिक १० लाख रुपैयाँसम्म आम्दानी गर्नेले १ प्रतिशत मात्र कर तिर्नुपर्नेछ। यसअघि यो सीमा ५ लाख रुपैयाँ थियो।
एफएनसीसीआई अध्यक्ष श्रेष्ठ भन्छन्: बजेटले बजार चलायमान बनाउने अपेक्षा
नेपाल उद्योग वाणिज्य महासंघ (एफएनसीसीआई) का अध्यक्ष अञ्जन श्रेष्ठले मुलुक अझै चुनौतीपूर्ण आर्थिक अवस्थाबाट गुज्रिरहेको बताएका छन्। आगामी आर्थिक वर्षको बजेटमा केही सकारात्मक पक्ष समेटिएको र यसले सुस्त रहेको बजार चलायमान बनाउने अपेक्षा रहेको उनले बताए। बजेटले पूर्वाधार विकासमा खर्च बढाउने संकेत दिएको र पूँजीगत खर्चतर्फको विकास बजेट वृद्धि गरिएको उनको भनाइ छ।
