विपक्षी दलहरूको विरोधकाबीच ‘वैकल्पिक विकास वित्त परिचालन विधेयक, २०८२’ प्रतिनिधि सभाबाट पारित

अर्थमन्त्री डा. स्वर्णिम वाग्लेले राष्ट्रपति रामचन्द्र पौडेललाई आगामी आर्थिक वर्ष २०८३/८४ को बजेटबारे जानकारी गराएका छन्। बिहीबार राष्ट्रपति कार्यालय शीतलनिवास पुगेर अर्थमन्त्रीले बजेटको राजस्व र व्ययको वार्षिक अनुमानबारे जानकारी दिँदै आर्थिक सर्वेक्षण २०८२/८३ र सार्वजनिक संस्थानको वार्षिक स्थिति समीक्षा प्रतिवेदन पनि हस्तान्तरण गरे। अर्थमन्त्री वाग्लेले भोलि जेठ १५ गते शुक्रबार अपराह्न ४ बजे संघीय संसद्को संयुक्त बैठकमा बजेट प्रस्तुत गर्ने कार्यक्रम छ।

अर्थमन्त्री डा. स्वर्णिम वाग्लेले आगामी आर्थिक वर्ष २०८३/८४ का लागि करिब २२ खर्ब रुपैयाँभन्दा बढीको बजेट शुक्रबार संघीय संसदमा प्रस्तुत गर्ने तयारी गरेका छन्। राष्ट्रिय योजना आयोगले तोकेको १८ खर्ब ९० अर्ब रुपैयाँको सिलिङभन्दा करिब ३ खर्ब रुपैयाँ बढीको यो बजेट महत्वाकांक्षी कार्यक्रमसहित आउन लागेको हो। बजेटमा सुशासन, आर्थिक सुधार, रोजगारी, शिक्षा, स्वास्थ्य, प्रविधि र राज्य संरचना सुधारलाई प्राथमिकता दिइएको छ।

नेपाली काँग्रेसका नेता प्रकाशमान सिंहले पार्टीभित्र संस्थापक नेताहरूको मूल्य–मान्यता र आदर्शअनुरूप चल्नुपर्ने तथा विधिको शासन स्थापित गरिनुपर्नेमा जोड दिएका छन्। उनले पार्टीको आन्तरिक विवाद समाधान गरी १५औँ महाधिवेशनलाई 'एकताको महाधिवेशन' बनाउनुपर्ने बताएका छन्। यसका लागि दुवै पक्षलाई विश्वासमा लिने साझा संयन्त्र निर्माण गर्नुपर्ने उनको सुझाव छ।

नेपाली काँग्रेसका नेता कृष्णप्रसाद सिटौलाले देशको वर्तमान राजनीतिक अवस्था सही दिशामा नभएको भन्दै लोकतन्त्र र संविधानको रक्षाका लागि पार्टी कार्यकर्ताहरू पुनः जागरुक हुनुपर्ने बताएका छन् । जनकपुरमा आयोजित एक कार्यक्रममा बोल्दै उनले राज्य सञ्चालनका प्रमुख अंगहरू सन्तोषजनक नरहेको र नेतृत्वमा जवाफदेहिताको अभाव देखिएको टिप्पणी गरे ।