Photo · hamrakura.com
अर्थमन्त्री डा. स्वर्णिम वाग्लेले संघीय संसद्मा चालू आर्थिक वर्ष २०८२/८३ को आर्थिक सर्वेक्षण पेस गरेका छन्। सर्वेक्षणअनुसार विश्वव्यापी अनिश्चितता र क्षेत्रीय द्वन्द्वका बाबजुद नेपालको अर्थतन्त्र ३.८५ प्रतिशतले विस्तार हुने अनुमान छ, जसले अर्थतन्त्रको कुल आकार ६६ खर्ब रुपैयाँ पुग्ने र प्रतिव्यक्ति कुल राष्ट्रिय आय १,५३५ अमेरिकी डलर पुग्ने प्रक्षेपण गरिएको छ। बाह्य क्षेत्र बलियो देखिएको छ, विप्रेषण ३७.७ प्रतिशतले बढेर १४ खर्ब ५० अर्ब पुगेको छ भने विदेशी विनिमय सञ्चिति ३४ खर्ब १४ अर्ब रुपैयाँ पुग्दै ऐतिहासिक उचाइमा छ।
www.onlinepana.com
www.dcnepal.com
bizpati.com
जायोडिन बायोटेकले क्यान्सर औषधिको कच्चा पदार्थ उत्पादन गरी भारत निर्यात गर्यो
जायोडिन बायोटेक उद्योगले चितवनको भरतपुरमा क्यान्सरको औषधिमा प्रयोग हुने कच्चा पदार्थ उत्पादन सुरु गरेको छ । उद्योगले प्रशोधित कच्चा पदार्थ भारत निर्यात गर्न थालेको छ । यसअघि नेपालमा आयात हुँदै आएको क्यान्सर औषधिको कच्चा पदार्थ स्वदेशमै उत्पादन गरी निर्यात गर्न थालिएको हो ।
सहकारीमा बेथिति जाँचबुझ आयोगको प्रतिवेदन सार्वजनिक, कमजोर नियमनले जनविश्वास गुमेको निष्कर्ष
सहकारी क्षेत्रमा वित्तीय अनियमितता, बचतकर्ताको रकम दुरुपयोग र कमजोर नियमनका कारण जनविश्वास कमजोर बन्दै गएको निष्कर्षसहितको 'सहकारीमा भएको बेथिति जाँचबुझ आयोग, २०८२' को प्रतिवेदन सार्वजनिक भएको छ। प्रतिवेदनले सहकारी संस्था दर्ता, कार्यक्षेत्र विस्तार र शाखा थप गर्ने क्रममा पर्याप्त अध्ययन तथा मापदण्डको पालना नहुँदा धेरै सहकारी समस्याग्रस्त बनेको औँल्याएको छ।
.jpg)
चीनले कर्णालीको चुत्रो र गुर्जो प्रशोधन गरी निर्यात गर्ने
सुर्खेतमा स्थापना भएको चिनियाँ कम्पनी युव्यान बायोटेक्नोलोजी प्रालिले कर्णाली प्रदेशका विभिन्न जिल्लाबाट संकलित चुत्रो र गुर्जो प्रशोधन गरी चीन निर्यात गर्न थालेको छ। कम्पनीले किसानबाट प्रतिकिलो चुत्रोको डाँठजरा ५५ रुपैयाँ र गुर्जो २५ रुपैयाँमा खरिद गरिरहेको छ। यसबाट स्थानीय किसानका लागि आम्दानीको राम्रो स्रोत सिर्जना भएको छ।
नागरिक लगानी कोष र नबिल बैंकबीच कर्मचारी अवकाश कोष व्यवस्थापन सम्झौता
नागरिक लगानी कोष र नबिल बैंक लिमिटेडबीच बैंकका कर्मचारीहरूको योगदानमा आधारित वा अन्य अवकाश कोषको व्यवस्थापन गर्न सम्झौता भएको छ। यस सम्झौता अन्तर्गत कोषले बैंकका कर्मचारीहरूको व्यक्तिगत खाता तयार गरी अभिलेख राख्नेछ र सेवा निवृत्त कर्मचारीलाई अवकाश रकम भुक्तानी गर्नेछ।
