Photo · newspolar.com
सिँचाइ तथा जलस्रोत व्यवस्थापन आयोजना कार्यालय पोखराले म्याग्दी, मुस्ताङ र पर्वतमा चालु आर्थिक वर्ष २०८२/८३ मा करिब १२ करोड रुपैयाँ लागतमा १७ आयोजना कार्यान्वयनका लागि ठेक्का सम्झौता गरेको छ। यसमध्ये म्याग्दीको रघुगंगा गाउँपालिका-४ दग्नामको पहिरो नियन्त्रण योजनाका लागि २ करोड २५ लाख ६९ हजार ९२९ रुपैयाँमा ठेक्का सम्झौता भएको छ। सबै योजना आगामी असार १९ गतेसम्म सम्पन्न गर्ने लक्ष्य राखिएको छ।
आर्थिक सर्वेक्षण २०८२/८३: सडक सञ्जाल ३६,८०६ किलोमिटर पुग्यो, डिजिटल टेलिभिजनको पहुँच ८२ प्रतिशत
आर्थिक सर्वेक्षण २०८२/८३ अनुसार, फागुनसम्ममा देशभर रणनीतिक तथा स्थानीय सडक सञ्जालको कुल लम्बाइ ३६,८०६ किलोमिटर पुगेको छ, जसमा २०,४५६ किलोमिटर कालोपत्रे सडक रहेको छ। यस अवधिमा डिजिटल टेलिभिजनको पहुँच ८२ प्रतिशत घरधुरीसम्म विस्तार भएको छ भने मोबाइल टेलिफोन ग्राहक घनत्व १०३.२ प्रतिशत पुगेको छ।
बानेश्वरमा फुटपाथ निर्माणको नाममा बेथिति, पैदल यात्रु जोखिममा
काठमाडौंको बानेश्वर क्षेत्रमा फुटपाथ निर्माण र मर्मतसम्भारको नाममा भइरहेको अव्यवस्थित कार्यले पैदल यात्रुहरू जोखिममा परेका छन्। सडक किनारमा जथाभावी छाडिएका निर्माण सामग्री र खाल्डाखुल्डीका कारण हिँडडुल गर्न कठिनाई भएको छ। स्थानीय बासिन्दा र नागरिक समाजले तत्काल यसको नियन्त्रणको माग गरेका छन्।
खजुरा गाउँपालिकाले समयमै काम नगर्ने पाँच आयोजनाको ठेक्का रद्द गर्यो
बाँकेको खजुरा गाउँपालिकाले सम्झौता अनुसार काम सम्पन्न नगरेका अमन कन्स्ट्रक्सनका पाँच वटा आयोजनाको ठेक्का रद्द गरेको छ। सार्वजनिक सूचना जारी गर्दा पनि निर्माण व्यवसायीले विश्वसनीय आधार प्रस्तुत गर्न नसकेपछि गाउँपालिकाले ठेक्का अन्त्य गर्ने निर्णय गरेको हो।
पोखरा बसपार्क जग्गा विवाद छानबिन गर्न तीन सदस्यीय समिति गठन
पोखरा महानगरपालिकाले बसपार्क निर्माणका लागि २०३० सालमा अधिग्रहण गरिएको जग्गाको सट्टापट्टा, बिक्री वितरण र क्षतिपूर्ति प्रक्रियाबारे सत्यतथ्य छानबिन गर्न पूर्व न्यायाधीश शंकरराज बरालको अध्यक्षतामा तीन सदस्यीय समिति गठन गरेको छ। नगर प्रमुख धनराज आचार्यका अनुसार, केही व्यक्तिले नपाउनुपर्ने क्षतिपूर्ति पाएको र वितरण प्रक्रियामा असमानता भएको गुनासो आएपछि यो समिति गठन गरिएको हो।
