रघुगङ्गा गाउँपालिका

म्याग्दीको रघुगंगा गाउँपालिका-२ माथिल्लो बैसरी (सिरुवारी)मा पहिरो खसेपछि मुस्ताङलाई राष्ट्रिय राजमार्गसँग जोड्ने बेनी-जोमसोम सडकखण्ड अवरुद्ध भएको छ। यसका कारण बेनीदेखि मुस्ताङ र जोमसोमदेखि बेनीतर्फ आउँदै गरेका सवारीसाधन बीच बाटोमै रोकिएका छन्। स्थानीयवासीका साथै मुस्ताङ भ्रमण तथा मुक्तिनाथ दर्शनका लागि जाने पर्यटक र तीर्थयात्रीहरू प्रभावित भएका छन्।

म्याग्दीको रघुगङ्गा गाउँपालिका–३ पिप्लेको वडा कार्यालयमा सेवाग्राहीको सुविधाका लागि टोकन प्रणाली लागू गरिएको छ। सेवा प्रवाहलाई चुस्तदुरुस्त राख्न कुपन, मेसिन, साउण्ड सिस्टम र नम्बर सिस्टम जडान गरी पालैपालो सेवा लिने व्यवस्था मिलाइएको छ। यस प्रणालीले जन्म, मृत्यु दर्ता, बसाइँसराइ, नागरिकता सिफारिस, योजना भुक्तानी तथा सामाजिक सुरक्षा भत्तासम्बन्धी कामका लागि आउने सेवाग्राहीको चाप व्यवस्थापनमा सहयोग पुग्नेछ।

म्याग्दीको रघुगंगा गाउँपालिका-२ माथिल्लो बैसरी (सिरुवारी)मा पहिरो खसेपछि मुस्ताङलाई चीनको कोरला नाका जोड्ने बेनी-जोमसोम सडकखण्डमा यातायात सम्पर्कविच्छेद भएको छ। पहिरोका कारण बेनीदेखि मुस्ताङ र जोमसोमदेखि बेनीतर्फ आउँदै गरेका सवारीसाधन बीच बाटोमै रोकिएका छन्।

मुस्ताङलाई राष्ट्रिय राजमार्गसँग जोड्ने बेनी–जोमसोम–कोरला सडकको म्याग्दी खण्डमा रुख ढलेर यातायात अवरुद्ध भएको छ। रघुगंगा गाउँपालिका–१, बेगखोलामा रुख ढलेपछि ७६ किलोमिटर सडकमा सिधा यातायात सम्पर्कविच्छेद भएको हो। यसबाट स्थानीयवासी, पर्यटक र तीर्थयात्री प्रभावित भएका छन्।

मुस्ताङलाई राष्ट्रिय राजमार्गसँग जोड्ने बेनी–जोमसोम–कोरला सडकको म्याग्दी खण्ड रघुगङ्गा गाउँपालिका–१ बेगखोलामा रूख ढलेपछि अवरुद्ध भएको छ। यसका कारण बेनीदेखि मुस्ताङ र जोमसोमदेखि बेनीतर्फ आउँदै गरेका सवारी साधनहरू बीच बाटोमै रोकिएका छन्। सडक खुलाउनका लागि पहल भइरहेको जिल्ला प्रहरी कार्यालय म्याग्दीले जनाएको छ।

मुस्ताङलाई राष्ट्रिय राजमार्गसँग जोड्ने बेनी–जोमसोम–कोरला सडकको म्याग्दी खण्डमा रूख ढलेर यातायात अवरुद्ध भएको छ। म्याग्दीको रघुगङ्गा गाउँपालिका–१ बेगखोलामा रूख ढलेपछि ७६ किलोमिटर दूरीको सडकमा सिधा यातायात सम्पर्कविच्छेद भएको हो। यसबाट स्थानीयवासी, पर्यटक र तीर्थयात्रुहरू प्रभावित भएका छन्।

म्याग्दीको रघुगङ्गा गाउँपालिकाले चालु शैक्षिक सत्रदेखि कक्षा १ देखि ३ सम्मका लागि स्थानीय पाठ्यक्रममा आधारित ‘हाम्रो रघुगङ्गा’ नामक पाठ्यपुस्तक लागू गरेको छ। गाउँपालिकाका अध्यक्ष भवबहादुर भण्डारीका अनुसार यो पाठ्यपुस्तकले बालबालिकालाई पालिकाभित्रका ऐतिहासिक, धार्मिक, सांस्कृतिक, कला, सीप, प्रविधि, कृषि र पशुपालनजस्ता विषयबारे जानकारी गराउन सहयोग पुग्नेछ।