Photo · www.drishtinews.com
सर्वोच्च अदालतले संवैधानिक परिषद्सम्बन्धी अध्यादेशविरुद्ध परेको रिट निवेदन दर्ता गर्ने वा नगर्ने भन्ने विवादलाई संवैधानिक इजलासले नै टुंग्याउनुपर्ने आदेश गरेको छ। न्यायाधीश मेघराज पोखरेलको एकल इजलासले सामान्यतया दरपीठ गरिएका निवेदनको सुनुवाइ गर्ने अभ्यास विपरीत यो आदेश जारी गरेको हो। यसअघि अधिवक्ता गिता थापाले दिएको निवेदनमा सुनुवाइ गर्दै यो आदेश दिइएको थियो।
पोखराको नाइट क्लबमा गुण्डा नाइके सानुभाइद्वारा वितण्डा मच्चाएको आरोप
पोखराको लेकसाइडस्थित क्लब १६ मा गुण्डागर्दी पृष्ठभूमिका युवराज गुरुङ उर्फ सानुभाइ र उनको समूहले अर्को समूहका युवालाई मरणासन्न हुनेगरी कुटपिट गरेको प्रहरीले जनाएको छ । प्रहरीलाई तत्काल सूचना नगरिँदा सानुभाइ समूह क्लबबाट भाग्न सफल भएको थियो । पीडित युवाले सोमबार सानुभाइ समूहविरुद्ध उजुरी दिएका छन् ।
वैदेशिक रोजगारी ठगीमा संलग्न दुई पक्राउ, एकले १ करोड ९३ लाख ठगेको आरोप
वैदेशिक रोजगारीमा आकर्षक तलबको प्रलोभन देखाएर ठगी गरेको आरोपमा प्रहरीले दुई जनालाई पक्राउ गरेको छ। पक्राउ परेका भीम लामाले युरोप पठाइदिने भन्दै एक व्यक्तिबाट १ करोड ९३ लाख रुपैयाँ ठगेको आरोप छ भने खड्कध्वज शाहीले क्यानडा पठाइदिने भन्दै ५ लाख ३२ हजार रुपैयाँ ठगेको उजुरी परेको छ।
चोर प्रेम थारूविरुद्ध सम्पत्ति शुद्धीकरण मुद्दा दायर, भेप व्यापारी र मेयर सिंह पक्राउ पुर्जी जारी
बाँकेका प्रेम थारूविरुद्ध चोरीबाट कमाएको ६ करोडभन्दा बढी सम्पत्ति शुद्धीकरणको मुद्दा काठमाडौं जिल्ला अदालतमा दायर गरिएको छ । यसैबीच, अवैध भेपको कारोबारमा संलग्न नविन खड्कालाई प्रहरीले नियन्त्रणमा लिएको छ भने वीरगञ्जका मेयर राजेशमान सिंहविरुद्ध लिखतसम्बन्धी कसुरमा पक्राउ पुर्जी जारी भएको छ ।
रवि लामिछानेले काठमाडौं जिल्ला अदालतमा उपस्थित भई बुझे तारिख
राष्ट्रिय स्वतन्त्र पार्टीका सभापति रवि लामिछानेले काठमाडौं जिल्ला अदालतमा उपस्थित भई आफूविरुद्ध विचाराधीन रहेको स्वर्णलक्ष्मी सहकारी संस्थाको बचत रकम अपचलन मुद्दामा तारिख बुझेका छन् । यसअघि उनी उक्त मुद्दामा ६० लाख रुपैयाँ धरौटीमा रिहा भएका थिए ।
