Photo · www.drishtinews.com
सर्वोच्च अदालतले नेपाल-भारत सीमा नाकाबाट सर्वसाधारणले ल्याउने १०० रुपैयाँभन्दा बढी मूल्यका दैनिक उपभोग्य वस्तुमा सरकारले लगाउन लागेको भन्सार शुल्क तत्काल कार्यान्वयन नगर्न अन्तरिम आदेश जारी गरेको छ। न्यायाधीशद्वय हरिप्रसाद फुयाल र टेकप्रसाद ढुंगानाको संयुक्त इजलासले प्रधानमन्त्री तथा मन्त्रिपरिषद्को कार्यालय र अर्थ मन्त्रालयसहितका निकायलाई यो आदेश दिएको हो। अधिवक्ताहरूले भन्सार महसुल ऐन २०८१ को दफा १३ को दफा २ विपरीत सूचना जारी भएको दाबी गर्दै रिट दायर गरेका थिए।
www.nepaljapan.com
www.reportersnepal.com
सार्वजनिक संस्थान: २७ नाफामा, १६ घाटामा, दुई बन्द
सरकारले सार्वजनिक गरेको एक प्रतिवेदनअनुसार नेपालमा सञ्चालित ४५ सार्वजनिक संस्थानमध्ये २७ वटा नाफामा र १६ वटा घाटामा सञ्चालित छन्। बाँकी दुई संस्थान बन्द छन्। प्रतिवेदनले कमजोर व्यवस्थापन, वित्तीय अनुशासनहीनता र संरचनात्मक सङ्कटबाट गुज्रिरहेका संस्थानहरूको अवस्था मिश्रित रहेको देखाएको छ।
नागरिक लगानी कोष र नबिल बैंकबीच कर्मचारी अवकाश कोष व्यवस्थापन सम्झौता
नागरिक लगानी कोष र नबिल बैंक लिमिटेडबीच बैंकका कर्मचारीहरूको योगदानमा आधारित वा अन्य अवकाश कोषको व्यवस्थापन गर्न सम्झौता भएको छ। यस सम्झौता अन्तर्गत कोषले बैंकका कर्मचारीहरूको व्यक्तिगत खाता तयार गरी अभिलेख राख्नेछ र सेवा निवृत्त कर्मचारीलाई अवकाश रकम भुक्तानी गर्नेछ।
आर्थिक सर्वेक्षण २०८२/८३ सार्वजनिक: आर्थिक वृद्धिदर ३.८५ प्रतिशत रहने अनुमान
अर्थमन्त्री डा. स्वर्णिम वाग्लेले संघीय संसद्मा आर्थिक वर्ष २०८२/८३ को आर्थिक सर्वेक्षण प्रस्तुत गर्दै चालू आर्थिक वर्षमा नेपालको अर्थतन्त्र ३.८५ प्रतिशतले विस्तार हुने अनुमान गरिएको बताएका छन्। विश्व अर्थतन्त्र ३.१ प्रतिशतमा खुम्चने प्रक्षेपण भइरहेका बेला नेपालको यो वृद्धिदरलाई सकारात्मक मानिएको छ। सर्वेक्षणअनुसार मुलुकको अर्थतन्त्रको कुल आकार ६६ खर्ब रुपैयाँ पुग्ने र नेपालीको प्रतिव्यक्ति कुल राष्ट्रिय आय १,५३५ अमेरिकी डलर पुग्ने प्रक्षेपण गरिएको छ।
खाद्य विभागले ‘तेज’ तोरी तेल गुणस्तरहीन भन्दै बजारबाट फिर्ता गर्न आदेश दियो
खाद्य प्रविधि तथा गुण नियन्त्रण विभागले ‘तेज’ ब्रान्डको तोरी तेल गुणस्तरहीन पाइएको भन्दै तत्काल बजारबाट फिर्ता गर्न आदेश दिएको छ। विभागले प्रयोगशाला परीक्षणमा तेल नेपाल सरकारले तोकेको मापदण्ड पूरा नगरेको पाइएपछि यो निर्देशन जारी गरेको हो।
