Photo · nepalnews.com
वैदेशिक रोजगारीमा विभिन्न देश पठाइदिन्छु भन्दै आकर्षक तलबको प्रलोभनमा पारी रकम ठगी गरेको अभियोगमा प्रहरीले पाँच जनालाई पक्राउ गरेको छ। पक्राउ परेकाहरूले सिङ्गापुर, मकाउ, स्पेन, पोल्याण्ड र पोर्चुगल पठाइदिने भन्दै पीडितहरूसँग करोडौं रुपैयाँ ठगी गरेको प्रारम्भिक अनुसन्धानबाट खुलेको छ। उनीहरूलाई थप अनुसन्धान तथा कारबाहीका लागि वैदेशिक रोजगार विभाग पठाइएको छ।
वैदेशिक रोजगारी ठगीमा ६ जना पक्राउ, ९७ लाखभन्दा बढी ठगेको आरोप
वैदेशिक रोजगारीका नाममा ९७ लाख ५८ हजार रुपैयाँ ठगी गरेको अभियोगमा प्रहरीले ६ जनालाई पक्राउ गरेको छ। पक्राउ परेकाहरूले क्यानडा, न्युजिल्याण्ड, बेलायत, अमेरिका, दुबई र सर्बियाजस्ता देशमा आकर्षक रोजगारीको प्रलोभन देखाएर ठगी गरेको प्रहरीको अनुसन्धानबाट खुलेको छ।
ट्राफिक नियम उल्लंघनमा २,०५५ चालक कारबाहीमा, २२ लाख ११ हजार राजस्व संकलन
वितेका २४ घण्टामा सवारी नियम उल्लंघन गर्ने दुई हजार ५५ चालक कारबाहीमा परेका छन्। काठमाडौं उपत्यका ट्राफिक प्रहरी कार्यालयका अनुसार यस कारबाहीबाट राज्यकोषमा २२ लाख ११ हजार ५०२ राजस्व दाखिला भएको छ।
वैदेशिक रोजगारी ठगीमा संलग्न ६ जना पक्राउ, ९७ लाखभन्दा बढी ठगिएको आरोप
वैदेशिक रोजगारीका लागि विभिन्न देश पठाइदिने प्रलोभन देखाएर ९७ लाख ५८ हजार रुपैयाँ ठगी गरेको अभियोगमा प्रहरीले ६ जनालाई पक्राउ गरेको छ। पक्राउ पर्नेहरूमा रामबहादुर आले मगर, आशिष कार्की, लोकबहादुर श्रेष्ठ, तुलसा पुन मगर, कृष्णप्रसाद पोखरेल र प्रवीण श्रेष्ठ छन्। उनीहरूले क्यानडा, न्युजिल्याण्ड, बेलायत, अमेरिका, दुबई र सर्बिया पठाउने भन्दै पीडितहरूबाट रकम असुल गरेका थिए।
काठमाडौंमा प्रहरीको नक्कली परिचयपत्र देखाउने व्यक्ति पक्राउ
काठमाडौंको गौरीघाटबाट प्रहरीको नक्कली परिचयपत्र देखाएर व्यवसायी तथा स्थानीयलाई धम्क्याउने एक युवा पक्राउ परेका छन्। पक्राउ पर्नेमा रामेछापका ३४ वर्षीय आशिष सुनुवार छन्, जसले आफू केन्द्रीय अनुसन्धान ब्युरोको सहायक हबल्दार भएको दाबी गरेका थिए।
