14 स्रोत · 15 समाचार

सुरु 1 हप्ता अघि · अपडेट 1 हप्ता अघि

बागमती प्रदेश सरकारद्वारा चालु आर्थिक वर्षको १० महिनामा ३१ अर्ब ३३ करोड राजस्व सङ्कलन

Photo · rajdhanidaily.com

बागमती प्रदेश सरकारले चालु आर्थिक वर्ष २०८२/८३ को दश महिनामा ३१ अर्ब ३३ करोड ५५ लाख ४८ हजार राजस्व सङ्कलन गरेको छ। घरजग्गा रजिष्ट्रेसन र सवारीसाधन कर मुख्य स्रोत रहेको यस अवधिमा आन्तरिक स्रोतबाट ३ अर्ब २४ करोड ५२ लाख ४१ हजार राजस्व सङ्कलन भएको छ। आर्थिक तरलता र ‘जेनजी’ आन्दोलनका कारण राजस्व सङ्कलन अपेक्षाकृत हुन नसकेको आन्तरिक मामिला तथा योजना विकास मन्त्रालयका अधिकृत इन्द्रराज सञ्ज्यालले जानकारी दिए।

• घरजग्गा रजिष्ट्रेसन र सवारीसाधन कर शीर्षकसहित बाँडफाँटबाट साउनदेखि वैशाखसम्म २० अर्ब एक करोड तीन लाख ८९ हजार राजस्व सङ्कलन भएको छ।
• सङ्घीय सरकारबाट प्राप्त हुने समानीकरण अनुदानअन्तर्गत दश महिनाको अवधिमा सात अर्ब ९४ करोड २७ लाख ५६ हजार प्राप्त भएको छ।
• आर्थिक तरलताका कारण घरजग्गा तथा नयाँ सवारीसाधन खरिद–बिक्री कारोबारमा आएको कमीले राजस्व सङ्कलनमा असर परेको छ।
• गत भदौमा भएको ‘जेनजी’ आन्दोलनका क्रममा प्रदेश सरकारको राजस्व सङ्कलन गर्ने निकायमा पुगेको क्षतिले पनि राजस्व सङ्कलनमा प्रभाव पारेको छ।