4 स्रोत · 4 समाचार

सुरु 1 हप्ता अघि · अपडेट 1 हप्ता अघि

काठमाडौंमा जेठ ८ देखि हस्तकला प्रदर्शनी तथा सांस्कृतिक महोत्सव आयोजना

Photo · www.onlinepana.com

नेपाल हस्तकला महासंघले आगामी जेठ ८ देखि १० गतेसम्म काठमाडौंमा ‘नेपाल हस्तकला प्रदर्शनी तथा सांस्कृतिक महोत्सव २०२६’ आयोजना गर्ने भएको छ । यस महोत्सवको मुख्य उद्देश्य प्रदेश तथा जिल्ला स्तरमा उत्पादित हस्तकला वस्तुको प्रदर्शनी एवम् प्रचार प्रसार गरी स्थानीय हस्तकला उद्यमीलाई बजार पहुँचमा सहयोग पुर्‍याउनु रहेको छ । यसका साथै हस्तकला उत्पादनको व्यवसायिक विकासमा टेवा पुर्‍याउने, जिल्ला संघहरूको सवलीकरणमा सहयोग गर्ने, आय आर्जन र रोजगारीको अवसर वृद्धि गर्ने, स्थानीय कला, संस्कृति र परम्परागत सीपको संरक्षण र प्रबर्द्धन गर्ने तथा आन्तरिक पर्यटन प्रवर्द्धनमा सहयोग गर्ने लक्ष्य राखिएको छ ।

• मेलामा हस्तकला प्रदर्शनी तथा बिक्री, सांस्कृतिक कार्यक्रम, स्थानीय उद्योगी, कलाकार/कालिगढको सीप प्रदर्शन, र स्थानीय उत्पादन तथा परम्परागत परिकारको स्वाद पस्कने कार्यक्रम समावेश छ ।
• मेलामा काठमाडौं उपत्यका भित्रका जिल्लाहरूसहित संखुवासभा, मकवानपुर, दाङ, बाजुरा, ताप्लेजुङ, चितवन, बर्दिया, काभ्रेपलान्चोक, कास्की, झापा, धनुषा, सुनसरी, धादिङ, तनहुँ, पाल्पा, बागलुङ लगायतका जिल्लाबाट स्थानीय जिल्ला संघहरूले भाग लिनेछन् ।
• मेलामा ‘मेक इन नेपाल’ र ‘मेड इन नेपाल’को अवधारणा अनुसार हस्तकला लगायत अन्य नेपाली निकासी सम्भाव्यता भएका वस्तुका ७० स्टल राखिनेछन् ।
• यसपटक महोत्सवको मुख्य थिम थारु संस्कृतिलाई बनाइएको छ, जसमा लोपोन्मुख सांस्कृतिक पहिचान, परम्परागत भेषभूषा र पुस्तान्तरण हुन नसकेका सीप संरक्षणलाई विशेष प्राथमिकता दिइएको छ ।
• महासंघका अनुसार भारत, चीन लगायत तेस्रो विश्वका मुलुकहरूमा वार्षिक करिव २८ अर्ब बराबरका हस्तकला सामग्री निर्यात भइरहेको छ ।