राष्ट्रपति पौडेलले सगरमाथाको संरक्षण र दिगो पर्यटनमा जोड दिए
राष्ट्रपति रामचन्द्र पौडेलले विश्वको सर्वोच्च शिखर सगरमाथाको प्राकृतिक स्वरूपलाई जीवन्त राख्न र हिमाली वातावरणको संरक्षण गर्न सरोकारवालासमक्ष आग्रह गरेका छन्। उनले सगरमाथा नेपालको भौगोलिक पहिचान, राष्ट्रको प्रतिष्ठा र विश्वकै अमूल्य प्राकृतिक सम्पदा भएको उल्लेख गर्दै यसको संरक्षण र सन्तुलित उपयोगबाट मात्र पर्यटन क्षेत्रमार्फत मुलुकको अर्थतन्त्रमा दिगो टेवा पुग्ने धारणा व्यक्त गरे। जलवायु परिवर्तनका असर र पर्वतारोहण क्षेत्रमा बढ्दो फोहोरजस्ता समस्या समाधान गरी सगरमाथा क्षेत्रको जैविक विविधता संरक्षण गर्दै पर्वतारोहणलाई सुरक्षित, दिगो र प्रविधिमैत्री बनाउन थप प्रयास र सहकार्य आवश्यक रहेको उनले बताए।
3 समाचार
·
21 मिनेट अघि
