Photo · ghatanarabichar.com
आर्थिक सर्वेक्षण २०८२/८३ को तथ्याङ्कअनुसार वैदेशिक रोजगारमा जान नयाँ श्रम स्वीकृति लिने नेपाली कामदारको सङ्ख्या १३.७ प्रतिशतले घटेर दुई लाख ७३ हजार ५३० पुगेको छ । सोही अवधिमा पुनः श्रम स्वीकृति लिनेको सङ्ख्या १५.९ प्रतिशतले वृद्धि भई दुई लाख ५१ हजार ९८३ पुगेको छ । यस आर्थिक वर्षको पहिलो आठ महिनामा कुल पाँच लाख २५ हजार ५१३ नेपालीले वैदेशिक रोजगारीका लागि श्रम स्वीकृति लिएका छन् ।
वैदेशिक रोजगारी ठगीको अभियोगमा छ जना पक्राउ, ९७ लाखभन्दा बढी ठगिएको दाबी
केन्द्रीय प्रहरीले वैदेशिक रोजगारीका नाममा ९७ लाख ५८ हजार रुपैयाँ ठगी गरेको अभियोगमा छ जनालाई पक्राउ गरेको छ। पक्राउ परेकाहरूमाथि क्यानडा, न्युजिल्यान्ड, बेलायत, अमेरिका, दुबई र सर्बिया पठाइदिने भन्दै विभिन्न व्यक्तिबाट रकम ठगेको आरोप छ।
इजरायलमा २३०० नेपाली कामदारका लागि आवेदन खुला
वैदेशिक रोजगार विभागले नेपाल सरकार र इजरायल सरकारबीच भएको श्रम सम्झौताअनुसार इजरायलका दीर्घकालीन स्याहार केन्द्रमा २३०० जना नेपाली सहायक कामदार (केयरगिभर) पठाउन आवेदन खुला गरेको छ। छनोट भएका कामदारले मासिक करिब ३ लाख ४७ हजार रुपैयाँ तलब पाउनेछन्।
आर्थिक सर्वेक्षण २०८२/८३: नयाँ श्रम स्वीकृति लिने घटे, पुनः स्वीकृति लिने बढे
अर्थमन्त्री डा. स्वर्णिम वाग्लेले प्रतिनिधिसभामा प्रस्तुत गरेको आर्थिक सर्वेक्षण २०८२/८३ अनुसार, चालु आर्थिक वर्षको फागुनसम्म वैदेशिक रोजगारमा जान नयाँ श्रम स्वीकृति लिने नेपाली कामदारको सङ्ख्या १३.७ प्रतिशतले घटेर २ लाख ७३ हजार ५३० पुगेको छ। सोही अवधिमा पुनः श्रम स्वीकृति लिनेको सङ्ख्या १५.९ प्रतिशतले वृद्धि भई २ लाख ५१ हजार ९८३ पुगेको छ। यस अवधिमा नयाँ र पुनः श्रम स्वीकृति लिने कुल कामदारको सङ्ख्या ५ लाख २५ हजार ५१३ रहेको छ।
काठमाडौं प्रशासन कार्यालयद्वारा वैदेशिक रोजगार व्यवसायी संघलाई ५ बुँदे निर्देशन
काठमाडौं जिल्ला प्रशासन कार्यालयले नेपाल वैदेशिक रोजगार व्यवसायी संघभित्रको विवाद समाधानका लागि ५ बुँदे निर्देशन जारी गरेको छ। संघका पदाधिकारीहरूको राजीनामा, कार्यसमिति विघटनको दाबी र विशेष साधारण सभाको तयारीलाई लिएर उत्पन्न विवादपछि प्रशासनले यो निर्देशन दिएको हो।
