Photo · www.khasokhas.com
जलवायु परिवर्तनका कारण यस शताब्दीको अन्त्यसम्ममा विश्वका करिब १८ प्रतिशत वनस्पति लोप हुने खतरा बढेको छ। वैज्ञानिकहरूका अनुसार तीव्र वातावरणीय परिवर्तनले वनस्पतिहरूको अनुकूल बासस्थान नष्ट गरिरहेको छ, जसले गर्दा ७ देखि १६ प्रतिशत वनस्पतिले आफ्नो ९० प्रतिशतभन्दा बढी बासस्थान गुमाउनेछन्। येल विश्वविद्यालयकी जुन्ना वाङ र क्यालिफोर्निया विश्वविद्यालयका सियाओली डोङका अनुसार जलवायु परिवर्तनले वनस्पतिहरूका लागि आवश्यक तापक्रम, वर्षा र माटोको सन्तुलन खलबलिएको छ।
सुनसरीको गहने खोलामा जङ्गली हात्तीको छावा दलदलमा फसेर मृत फेला
सुनसरीको बराहक्षेत्र नगरपालिका-२ स्थित गहने खोलामा जङ्गली हात्तीको छावा पानीको दलदलमा फसेर मृत फेला परेको छ। प्रहरी निरीक्षक हेमराज ओलीका अनुसार, हात्तीको छावा राति जङ्गलतर्फ जाँदै गर्दा दलदलमा फसेको थियो। घटनाबारे प्रहरीले अनुसन्धान गरिरहेको छ।
दक्षिण एसियामा वनक्षेत्र: भुटान शीर्षमा, नेपाल दोस्रो
आर्थिक वर्ष २०८२/०८३ को आर्थिक सर्वेक्षणअनुसार दक्षिण एसियाका आठ मुलुकमध्ये भुटानमा सबैभन्दा बढी वनक्षेत्र रहेको छ भने नेपाल दोस्रो स्थानमा छ । भुटानमा ६९.७१ प्रतिशत वनक्षेत्र छ भने नेपालमा ४६.०८ प्रतिशत वनक्षेत्र रहेको छ ।
मुस्ताङमा वन्यजन्तु मार्न राखिएका १०५ अवैध पासो नष्ट, 'स्पाई क्यामेरा' जडान गरिने
मुस्ताङको घरपझोङ गाउँपालिकाको संवेदनशील वन क्षेत्रमा वन्यजन्तुको अवैध सिकार नियन्त्रण गर्न विशेष वन गस्ती गरिएको छ। इलाका संरक्षण कार्यालय, जोमसोम र संरक्षण क्षेत्र व्यवस्थापन समिति, जोमसोमको संयुक्त आयोजनामा भएको गस्तीमा १०५ वटा अवैध पासो फेला पारी नष्ट गरिएको छ। यी पासोहरू मुख्य गरी कस्तुरी मृगको सिकार गर्नका लागि थापिएका थिए।
मकालु वरुण निकुञ्जमा जेठ २५ देखि यार्सागुम्बा सङ्कलन खुला
सङ्खुवासभाको मकालु वरुण राष्ट्रिय निकुञ्जले आगामी जेठ २५ गतेदेखि असार २५ गतेसम्म एक महिनाका लागि बहुमूल्य जडीबुटी यार्सागुम्बा सङ्कलन खुला गर्ने भएको छ। निकुञ्ज कार्यालयका अनुसार यस अवधिमा तोकिएको शुल्क तिरेर अनुमति लिएका व्यक्ति वा समूहले यार्सागुम्बा सङ्कलन गर्न पाउनेछन्।
