4 स्रोत · 5 समाचार

सुरु 5 दिन अघि · अपडेट 4 दिन अघि

सम्पत्ति शुद्धीकरण विभागद्वारा २९ जनाविरुद्ध २० अर्ब बिगोसहित मुद्दा चलाउन सिफारिस

Photo · www.capitalnepal.com

सम्पत्ति शुद्धीकरण अनुसन्धान विभागले विवादास्पद व्यवसायी दीपक भट्ट र सुलभ अग्रवालसहित २९ जनाविरुद्ध २० अर्ब बिगो मागदाबीसहित सम्पत्ति शुद्धीकरण कसुरमा मुद्दा चलाउन सिफारिस गरेको छ। विभागले वैशाख दोस्रो साता सरकारी वकिल कार्यालय काठमाडौंलाई बुझाएको प्रतिवेदनमा उक्त सिफारिस गरिएको हो। यसमा इन्फिनिटी होल्डिङ्सका अध्यक्ष दीपक भट्ट, जगदम्बा होल्डिङ्सका अध्यक्ष सुलभ अग्रवाललगायतविरुद्ध मुद्दा चलाउन भनिएको छ।

• विभागले भट्टलाई चैत १९ र सुलभलाई चैत २१ मा पक्राउ गरेको थियो, जसमध्ये भट्ट र सुलभ हिरासतमै छन्।
• शंकर ग्रुपका अध्यक्ष शंकरलाल अग्रवाल र नेपाल उद्योग वाणिज्य महासंघका पूर्वअध्यक्ष शेखर गोल्छाविरुद्ध पनि मुद्दा चलाउन सिफारिस गरिएको छ।
• अन्य आरोपित फरार रहेका छन्।
• बिमा, धितोपत्र र सेयर कारोबारसम्बन्धी कानुनविपरीत कसुर गरेका आरोपीविरुद्ध २ देखि १० वर्षसम्म कैद, बिगोबमोजिम जरिवाना र स्रोत नखुलेको सम्पत्ति जफतको माग गरिएको छ।