नेपालको विकास सोचमा सन्निकटताका लागि एकीकृत पूर्वाधार विकासको नयाँ रूपान्तरण देखिएको छ। यसअघि खण्डित र असमन्वित रूपमा सञ्चालन हुँदै आएका पूर्वाधार विकासका क्षेत्रहरूलाई अब एकीकृत प्रणालीका रूपमा हेरिने भएको छ। यसका लागि भौतिक पूर्वाधार तथा यातायात मन्त्रालय, शहरी विकास मन्त्रालय र खानेपानी मन्त्रालयलाई गाभेर पूर्वाधार विकास मन्त्रालय गठन गरिएको छ।
गण्डकी प्रदेश र निसीखोला गाउँपालिकाको ७२ लाखमा ढोरपाटन–निसेलढोर सडक स्तरोन्नति
गण्डकी प्रदेश सरकार र निसीखोला गाउँपालिकाको ७२ लाख रुपैयाँको लागतमा बागलुङको निसीखोला गाउँपालिका–५ स्थित निसेलढोर जोड्ने ६ किलोमिटर सडक स्तरोन्नति गरी कालोपत्रे गरिएको छ। यस स्तरोन्नतिले विकट मानिने निसेलढोर क्षेत्रमा बाह्रै महिना यातायात सञ्चालनमा सहजता ल्याउने अपेक्षा गरिएको छ।
पोखरा बसपार्क क्षेत्रका अतिक्रमित संरचना हटाउन नगर विकास समितिको निर्देशन
पोखरा उपत्यका नगर विकास समितिले पोखरा बसपार्क क्षेत्रभित्रका पसल कबललगायतका सबै अतिक्रमित संरचना १५ दिनभित्र हटाउन सार्वजनिक सूचना जारी गरेको छ। यसअघि पोखरा महानगरपालिकाले पनि संरचना हटाउन सूचना जारी गरेको थियो। तोकिएको अवधिभित्र संरचना नहटाएमा समिति आफैँले हटाउने र लागत असुलउपर गर्ने चेतावनी दिएको छ।
पोखराको फिर्के खोलामा १०५ अतिक्रमित संरचना भत्काइयो, पर्यटन गन्तव्य बनाइने
पोखरा महानगरपालिकाले फिर्के खोलाको खोलाघर मिचेर बनाइएका १०५ वटा अतिक्रमित संरचना भत्काएको छ। जेठ १० गतेदेखि सुरु भएको यो अभियान चौथो दिनसम्म जारी रहँदा विभिन्न स्थानका सानाठूला व्यक्तिगत तथा संस्थागत संरचना हटाइएको छ। महानगरपालिकाले खोलालाई आकर्षक पर्यटन गन्तव्यका रूपमा विकास गर्ने योजना अघि सारेको छ।
खिवाङ–घराम्दी सडक निर्माण अलपत्र, ठेकेदार सम्पर्कविहीन
म्याग्दीको अन्नपूर्ण गाउँपालिकाको खिवाङ–घराम्दी सडक योजना निर्माण अलपत्र परेको छ। गत आर्थिक वर्षमा ठेक्का लिएको एसएण्डएस कन्ट्रक्सनले काम अधुरो छोडेपछि चालु आर्थिक वर्षमा विनियोजन भएको बजेटसमेत कार्यान्वयन हुन सकेको छैन। अन्नपूर्ण गाउँपालिकाका अध्यक्ष भारतकुमार पुनले निर्माण व्यवसायीको धरौटी जफत गरी कालोसूचीमा राख्ने प्रक्रिया अघि बढाएको बताएका छन्।
