Photo · www.reportersnepal.com
मधेश प्रदेश सरकारको मन्त्रिमण्डलले पूर्णता पाएको छ। मुख्यमन्त्री कृष्ण प्रसाद यादवले सत्ता साझेदार दलहरूसँगको सहमतिपछि मन्त्रिमण्डल विस्तार गरेका हुन्। नेकपा (माओवादी केन्द्र) ले अर्थ मन्त्रालयको दाबी कायम राखेपछि मन्त्रिपरिषद् विस्तारमा ढिलाइ भएको थियो।
www.reportersnepal.com
सांसद कार्कीले प्रधानमन्त्रीको संसदमा जवाफदेहिता र गरिबमुखी बजेटको माग गरे
नेकपा (एमाले) का सांसद डा. अर्जुन कार्कीले प्रधानमन्त्रीले संसदमा उपस्थित भई सांसदहरूले उठाएका प्रश्नको जवाफ दिनुपर्ने संवैधानिक र कानुनी दायित्व भएको बताएका छन्। उनले आगामी बजेट मुख्य रूपमा गरिब, सीमान्तकृत समुदायको हितमा केन्द्रित हुनुपर्नेमा जोड दिए।
राष्ट्रिय मानव अधिकार आयोगले रवि लामिछानेसहित १६ सांसदमाथि अनुसन्धान गर्न सिफारिस
राष्ट्रिय मानव अधिकार आयोगले नख्खु कारागारबाट कैदीबन्दीहरू बाहिर पठाउने घटनामा राष्ट्रिय स्वतन्त्र पार्टी (रास्वपा)का सभापति रवि लामिछानेसहित १६ जना सांसदहरूको संलग्नता देखिएको भन्दै उनीहरूमाथि सूक्ष्म अनुसन्धान गर्न सिफारिस गरेको छ। आयोगले उक्त कार्य मानव अधिकार उल्लंघनका साथै कारागार ऐन २०७९ अनुसार फौजदारी अपराध भएको निष्कर्ष निकालेको छ। प्रतिवेदनमा लामिछाने र तत्कालीन जेलर सत्यराज जोशीको बयान बाझिएको उल्लेख छ।
आगामी आर्थिक वर्षको बजेट जेठ १५ गते संघीय संसद्मा पेस हुने
आगामी आर्थिक वर्षको बजेट जेठ १५ गते शुक्रबार अपराह्न ४ बजे संघीय संसद्को संयुक्त बैठकमा पेस गरिने भएको छ। संविधान अनुसार प्रत्येक वर्ष जेठ १५ गते दुवै सदनको संयुक्त बैठकमा बजेट प्रस्तुत गर्ने व्यवस्था छ। यसैगरी, प्रतिनिधिसभाको बैठक भने सोही दिन बेलुकी ५:३० बजे बस्नेछ।
राष्ट्रिय मानवअधिकार आयोगले जेनजी प्रदर्शनमा सेनाको कमजोरी औँल्यायो
राष्ट्रिय मानवअधिकार आयोगले भदौ २३ र २४ गतेको जेनजी प्रदर्शनका क्रममा नेपाली सेनाको कमजोरी औँल्याएको छ। आयोगको प्रतिवेदनले सिंहदरबार, सर्वोच्च अदालत र राष्ट्रपति भवनजस्ता राष्ट्रिय सम्पत्तिमा भएको क्षति रोक्न सेनाको भूमिकामा प्रश्न उठाएको छ। आयोगले भविष्यमा राष्ट्रिय सम्पत्ति र नागरिकको मानवअधिकार संरक्षणलाई प्राथमिकता दिन प्रधानसेनापतिलाई निर्देशन दिन सिफारिस गरेको छ।
