Photo · gorkhapatraonline.com
भारतीय अर्बपति गौतम अडानीले अमेरिकामा आफूविरुद्ध दायर भएको भ्रष्टाचारसम्बन्धी दीवानी मुद्दा समाधान गर्न १ करोड ८० लाख अमेरिकी डलर जरिवाना तिर्न सहमति जनाएका छन्। यो सहमति आरोप स्वीकार वा अस्वीकार नगरी भएको हो र यसले अडानी समूहमाथि लाग्दै आएका वित्तीय तथा कानुनी विवादमा महत्त्वपूर्ण मोड ल्याएको छ। यसैबीच, अमेरिकी अभियोजकहरूले अडानीविरुद्धका केही आरोपहरू फिर्ता लिने तयारी गरेको समाचार छ।
ट्रम्पले इरानसँग सम्झौतामा हतार नगर्न निर्देशन दिए, नाकाबन्दी कायमै राखे
अमेरिकी राष्ट्रपति डोनाल्ड ट्रम्पले इरानसँगको सम्भावित सम्झौतामा हतार नगर्न आफ्ना प्रतिनिधिलाई निर्देशन दिएका छन्। उनले सम्झौता अन्तिम रूप नपाएसम्म इरानमाथिको अमेरिकी नाकाबन्दी कायमै रहने स्पष्ट पारेका छन्। दुवै पक्षले समय लिएर सही निर्णयमा पुग्नुपर्ने ट्रम्पको भनाइ छ।
जापानले जाजरकोटको भेरी त्रिवेणी माविलाई नयाँ भवन हस्तान्तरण गर्यो
जापान सरकारको आर्थिक सहयोगमा जाजरकोटको भेरी त्रिवेणी माध्यमिक विद्यालयको नवनिर्मित भवन हस्तान्तरण गरिएको छ। बुधबार आयोजित समारोहमा नेपालका लागि जापानी राजदूतावासका उपनियोग प्रमुख सिन्तो यासुहारुले विद्यालय भवन हस्तान्तरण गरेका हुन्। जापान सरकारको ‘ग्रासरुट्स ह्युमन सेक्युरिटी प्रोजेक्ट्स’ अन्तर्गत विद्यालयका लागि करिब १ लाख ७० हजार १५९ अमेरिकी डलर अनुदान सहयोग उपलब्ध गराइएको थियो।
अमेरिका र इरानबीच सम्झौताको खाका तयार गर्न सहमति, मतभेद कायमै
इरानले अमेरिकासँग सम्भावित सम्झौताका लागि १४ बुँदे खाकालाई अन्तिम रूप दिने तयारी भइरहेको जनाएको छ। इरानी विदेश मन्त्रालयका प्रवक्ता इस्माइल बकाईले शनिबार सरकारी टेलिभिजनमार्फत दुवै पक्षबीच सहमतिका आधार तयार पार्ने प्रयास भइरहेको जानकारी दिएका हुन्। यद्यपि, तेहरान र वासिङ्टनबीच अझै पनि गहिरा मतभेद कायम रहेको उनले बताएका छन्।
झापाका सीमा नाकामा रोहिङ्ग्या शरणार्थीसहित विदेशीको अवैध प्रवेश रोक्न उच्च सतर्कता
भारतसँग सीमा जोडिएका झापाका विभिन्न नाकामा रोहिङ्ग्या शरणार्थीसहित विदेशी नागरिकको अनधिकृत प्रवेश रोक्न गृह मन्त्रालयको निर्देशनमा सुरक्षा सतर्कता उच्च पारिएको छ। सहायक प्रमुख जिल्ला अधिकारी तेजप्रकाश प्रसाईंका अनुसार काँकडभिट्टा, भद्रपुर, गौरीगञ्ज, टाघनडुब्बा, केचना र बाहुनडाँगी जस्ता संवेदनशील क्षेत्रमा सुरक्षा व्यवस्था कडा पारिएको छ। छिमेकी मुलुक भारतमा आप्रवासीलाई स्वदेश फर्काउने अभियान सुरु हुनसक्ने चर्चासँगै उनीहरू नेपालतर्फ प्रवेश गर्नसक्ने आँकलन गरिएको छ।
